Kibii:
Itye ki kwo ma pe tum?
Lubo:
Baibul nyutu yo me kwo ma pe tum kamaleng. Mukwongo, omyero kong waye ni wan wabalo ikom Lubanga: “Pien dano ducu gubalo, pe gio ikom deyo pa Lubanga” (Jo Roma 3:23). Wan ducu watimo jami ma pe yomo cwiny Lubanga, ma myero ki miiwa pwod pirgi. Macalo wan ducu wabalo ikom Lubanga ma bedo nakani, pwod ma labed naka aye bene opore kwedwa. “Pien mucara me bal en to, ento mot ma Lubanga miyowa nono, en aye kwo ma petum I Yecu Kricito Rwotwa” (Jo Roma 6:23).
Ento, Yecu Kricito, ma tye labongo bal mo (1 Petero 2:22), ma en Wod pa Lubanga ma bedo nakanaka odoko dano (Jon 1:1,14) ci oto pi culu balwa. “Lubanga nyutu mar mere pirwa kit man ni: ikare ma wan pud lubalo, Kricito oto pirwa ikom yatariya” (Jo Roma 5:8). Yecu Kricito oto ikom yatariya (Jon 19:31-42), kun otingo bal ma wan aye wapore kwede (2 Jo Korint 5:21). Inge nino adek en ocer woko ki ikin jo muto (1 Jo Korint 15:1-4), kun nyutu loc ma mere ikom bal ki to. “I kicane madit tutwali En omiyo botwa kwo manyen ma terowa i kwo ki gen kun wok ki i nicer pa Yecu Kricito ki ikin jo muto” (1 Petero 1:3).
Nia ki i niye, omyero walok yo me tamwa ikom Kricito – ma en aye, gin ma en otiyo, ki pingone – pi lar (Tic pa Lukwena 3:19). Kace waketo yewa i En, kun wageno to ma mere ikom yatariya pi culu balwa, ci kibiweko balwa dok wabijolo bene kwo ma pe tum ma kiciko pire i polo. “Pien Lubanga con omaro lobo kumeno, omiyo iye Wode acel keken, wekdano ducu ma ye en owek to, ento gubed ki kwo ma pe tum” (Jon 3:16).”Pien ka itucu ki dogi ni, “Kricito aye Rwot,” ma kun iye ki cwinyi ni Lubanga yam ocere woko ki i ikin jo muto, ci ibilare” (Jo Roma 10:9). Niye ikom tic pa Kricito ikom yatariya aye yo acel keken me ada matero dano i kwo ma pe tum! “Pien pi kicane omiyo en olarowa pi niye-man pe otime pi tic mo ma wun wutiyo; meno obedo mot pa Lubanga gire” (Epeco 2:8-9)
Ka inen imito jolo Yecu Kricito me bedo Lalar ma meri, ci nen man aye lega mayot me aluba. Wii opo ni, nwoyo lego lega man onyo lega mo mapat pe twero laro in. Keto gen ma meri ikom Kricito aye miyo ilare ki I bal ma meri. Lakit lega man obedo mere yo me nyutu niye ma meri ikom en ki me miyo pwoc bote pi keli lar. “Lubanga angeyo ni an abalo ikomi dok apore me nongo pwod ducu. Ento Yecu Kricito otingo bal ma mera woko ci nia ki I niye ma mera ikome kiwek bal ma mera woko. Ageno lar ma imiyo. Apwoyi pi kicani maber tutwali ki pi weko bal ma mera-ma en aye mot me kwo ma pe tum! Amen!”
Dong ityeko moko tami me jolo Kricito pi lok ma ikwano ki kany? Ka kumeno, ci gwet kanget lok man ni “Ajolo Kricito inino ma tin.” English
Itye ki lapeny mo?