Kibii:
Lubanga mono tye ada?
Lubo:
Lok mamako tye pa Lubanga aye dong gin ma pire tek loyo ki ikin lapeny ma myero kinen maber. Yo me tam ikom Lubanga pol ata, ento gamo lapeny ni Lubanga mono tye ada? mito dyero kare kacel ki neno matut wa ki yo me tam wa ki gin ducu ma nyutu ada ni Lubanga kara tye ada. Makato ducu aye gin manen ikwo pa dano, science, ryeko me anywali, kacel ki jami mutime ikare mayam con ki con twero konyo me cimo ni: ada, Lubanga tye.
Pol kare, lapeny macalo man kipenyo ni “Itwero nyutu ni Lubanga tye ningning?” Peko matye aye ni, kadibed ni ada nen gire kamaleng, ento lanyut kikome twero bedo peke me moko ada moni ma kiwaconi. Pimeno, omiyo i otkot pe kingolo kop malube ki ada moni ma kiwaconi, ento kot kingolo malube ki neno ni “akalakala mo keken pe tye ikom caden moni ma kimiyoni” wek kimok lok ikom gin ma kitamo ni “twero bedo kom lok kikome.”
Mito nyutu “ada” me tye pa Lubanga ma pe kwere pe konyo. Kadi lanyut mo onyo dano bene pe gitiyo i yo ma kitmeno ikwo ma ilobo kany. “rwate” ki ada moni matyeni ki “ye” ni gitye pe obedo maromrom. Bedo ki pyem ki laro lok ikomgi ducu pe bimiyo jo ma gumoko tamgi me kwerone woko me loke kaketo niyegi ilok me ada meno. Ki bot ngat madong omoko ikom akalakalane, pe biye ikom “lanyut mo keken,” kadi ka itwero loko ngat mukene me ye. Mok ma iwi dano dit kato lanyut mo keken ma itwero nyutu.
Man teloke ni myero kong ibed ki “niye” mo olo to—makato ye ni Lubanga gire tye. Ngec maber adada dit kato kerowa woko. Akalakala ki gungcwiny gengowa woko ki i neno ma atir. Kare ducu wabibedo ki lageng ikin gin ma watwero “ngeyo” ki gin ma “yeyowa” tye ikome. Man mako kom jo ma gitye ki akalakala wa ki jo ma luye. Pe waromo bedo ki ngec ducu ka wacito kabedo piny iwi kom, ka wacamo, onyo ka waito rwom. Tim magi ducu nyutu rwom me niyewa. Watiyo jami mogo kadi ka ngecwa peke ikom jami ma watiyogini, pien watye ki jami mogo ma wangeyo. Man aye gin ma mako niyewa ikom Baibul, ma bene kwako niyewa ikom tye pa Lubanga. Waketo genwa ikom gin ma wangeyo, miyo watiyo jami mogo, kadi ka niangwa pe tut (Jo Ibru 11:6).
Kadi ka waye ni Lubanga tye onyo peke, mokwa ducu obedo niye. Keto niyeni ikom Lubanga pe gengo bedo ki niang nyo ngec (Jon 20:29), dok bene pe gengi loyo adwala mogo me anywar (Jon 5:39-40). Bedo ki niye matek ikom gin moni, onyo cik mogo, onyo kwer mogo obedo tic pa dano, dok gin ducu konyo bedo ki lagam ka Lubanga mono tye ada?
Lubanga mono tye ada? — Kwo ma dano kato ki iye
Nyamo lok ikom tye pa Lubanga polkare cake ki lok alara ikom ngec me kare ducu. Man kelo niang, ento pe obedo kit ma dano bedo kwede. Pe tye ngat mo ma peke ki yo me tame, ma kuru mere kit yo mo keken ma onen inyime ma pe kati ki tame pire kene. Dano gikati ki yo kwogi malube ki gin ma gitiyo kare ducu. Piman, neno tye pa Lubanga myero ocake ki gin ma gin gikato ki iye jwijwi. Ka lacen, watwero tic ki ngecwa me niang ikom yo me tam meno.
Gin ma moko ni Lubanga tye ikwo pa dano me nino ducu (Jo Roma 1:19–20; Jabuli 19:1; Latitlok 3:11). Magi kwako yo me kwo ki cwiny maber. Kwako bene kit ma kiyubu kwede ki jami ducu ma orumuwa. Kwo pa dano telowa miyo wabedo ki niye ni, tim bwolo, mar, adagadaga, berkit, tim aranyi, ki mapol makato, obedo me ada dok tere bene tye. Pol dano i yalwak ducu gubedo ki niye ikom gin madit makato jami ducu ma komgi nen kamaleng iwang.
Jami ducu ma wakato ki iigi pe obedo mok ma watye kwede. Ma ka meno, Lubanga tiyo ki ngec me kare ducu macalo gin me lwongowa (Niyabo 3:20). Jami ma wakato ki iye kare ducu obedo gin ma pire tek me telowa kayenyo lagam mapol makato (Matayo 7:7-8). Jo ma gicayo onyo gibwono lwongo pa Lubanga pe gitye labongo ngec (Jo Roma 1:18; Jabuli 14:1).
Lubanga mono tye ada? — Yo me tam pa dano
Yo adek madito me tam pa dano ma byeko ni Lubanga tye aye jami matye malo i polo manen ki ma pe nen, tyenlok ma omiyo jami mogo time, ki jami ducu matime mabeco wa ki maraco.
Laro lok mamako polo manen ki ma pe nen neno telok malube ki gin moni matime kacel ki adwogine. Adwogi a ki ikom gin ma otime, dok gin ducu matime a ki ikom gin ma okelo tim meno. Kadibed kumeno, kit ma jami magi gikube kwede pe twero cito naka wa kama gucake iye ikare me angec, labongo eno acaki tim magi pe bibedo ki acakine. Yo me tam ni jami mogo tye pirgi ken gi matwal labongo adwogi ma a ki ikom gin mo ma otime. Lobo ma orumuwa ducu, pe tye labed naka nyo gin mo aye oweko tye. Yo me tam man cimo ikom Lubanga: gin ma pe kicweyo, lapim gigu ducu ma pe loke, gin mukwongo ma oweko waneno jami ma orumuwa.
Lok anyama ikom jami ducu matime ngiyo kit ma lobo kiyubu kwede. Kitma polo lac kwede, ceng, dwe ki lakalatwe ducu, gin ma oweko dano ginen kit ma gitye kwede, nginy jami mogo ma wang pe neno ma gukube liking kacel—gigu ducu matye gimiyo ga ducu nen mupore kikore. Magi ducu tye kacel i yo ma tito tyegi ngayo jo ma gikwero ni Lubanga tye me tito tyegi wa ki kit deyogi ducu.
Pe tye gin mo ma nyutu kitma nginy jami ma wang pe nenoni omyero kiryegi kitma gitye kwedeni. Ento ka onongo pe gitye kitmeno kikome— kono onongo —kwo mo pe twere kadi ki acel. Tye lwak jami ma nen ki ma pe nen ducu ma gukube kun gucung woko kacel liking ma tam pa dano pe twero niang ikomgi ducu ma giweko kwo ducu mede anyim, mapat ki mogo ma watwero niang ikomgi. Lukwed piny mo peya gutucu kitma kwo a ki ikom jami ma kwo peke iigi, ento ginyutu kit ma jami mogo ma kitgi pat gikwo kwede. Ludiro ma gikwinyo ngom me niang ikom kwo pa jo macon ma guneno nyiglok ni Atye kany ma kicoyo ikom boro gitwero tamo ni man oa ki iryeko pa dano. Kun bene gin ma oweko dano ginen kit ma gitye kwedeni ongayo wang lukwed lok me niang kit dano woko. Pek pa ada man, i yo me tam me ada, cimo ikom lacwec ma ladiro—Lubanga —ma en aye obedo lagony telok magi ducu.
Telok man cimo ikom yo me tam ikom gin maber ki marac, yo me kwo ma kiye, ki mukene mapol. Magi ducu obedo lok anyama mamako “gin ma myero obed tye,” ento pe “gin madong tye.” Yo me kwo ma kiye kine dong tye kacot woko ki ikom gero, ki ikom yo me tam ma lugero, jo ma giparo pi yo tamgi ni jami ma gityeni ducu gubino mere pi atura ci gucako loke me doko gin mapat kun bene gitimo gin mo keken me bedo kwo. Yo me tam moni ma waco ni dano gitamo gin ma komgi peke, mamako yo me kwo ma kiyeni kelo myelkom. Makato meno, kit yo me kwo pa dano malube ki yo me kwo ma kiyeni pe loke i kare pa yalwak ducu i te kwaro mapatpat.
Medo ikom meno, nyamolok ikom yo me tam mamako yo me kwo ma kiyeni pe konyo. Ka inen yo me tam mamako yo me kwo ma kiyeni pe obedo malube ki miti pa jo monini, ma tere pekeni, ci nongo kimoko ni myero obed ikom rwom ma pe kimito lokone. Kwo ma dano owok ki iye pe cwako mok ni yo me kwo ma kiyeni pe konyo. Gin ma kelo niang ma omiyo dano gitamo ikom yo me kwo ma kiyeni dok bene ginywako tam iyo man nyutu ada ni lamii cik me yo me kwo man tye, ma en aye, Lubanga.
Lubanga mono tye ada? — Kwo pa dano
Lok ma kinywakogi ducuni oa ki ikom neno ma kikati kwede. Yo me tam mogo ma science waconi ni der moni omor matek adada ki ikom gin moni, ci omiyo lobo tyeni pe obedo me ada. Ikit yo acelu bene tye ada ikom gin ma weko dano tye kit ma dano tye kwedeni onyo DNA. Kwed pa science konyo kor yo me tam ikom lacwec ma kiwaco i Baibul, ento dok nyweno lok woko ikom tam ma waco ni agiki piny peke onyo ni jami makwoni ducu gucake ki ikom jami ma pe kwo.
Ludiro kwinyo piny me niang kwo pa yalwak macon bene gikonyo kor Baibul. Yalwak, jami mutime, wa ki kabedo ducu ma kitito pirgi i ginacoya gimoko kwed ma jo mapatpat gukati kwede ducu. Pol mok ma kikati kwedgini ducu obino ikare ma gikalo lok ducu ma i Baibul ni pe tye me ada.
Lok ikom jami mukato angec kacel ki coc macon, ducu gitye ki cwak ni Lubanga tye ada. Kitma kigwoko kwede ki Baibul nicake wacon obedo lanen mukwongo: kit yo ma kinongo kwede ki ginacoya mukwongo ca matye cok mada ki acaki jami ma Baibul waco ni gutime cwako ni Baibul loko lok ada. Yo me kwo pa Lujudaya kacel ki pa Lukricitayo oyubu kit yo me kwo i tekwaro mapatpat, yo me kwo, twero pa dano, kacel ki science me kare man gitye malube ki ada man.
Lubanga mono tye ada? — Lubanga iiwa
Dul ducu magi gubedo dul ma nyayo kwedo ngec ki niang matwero miyo kicoyo lwak buk mapol ata. Ento ada me tye pa Lubanga dong kityeko nyutune woko kamaleng, nia ki bot jo mapol, wa ki gin ma guwok ki iye. Gin ma nyutu ma kome nen twero bedo peke gire ni cwinyi yom, ento pe twero loko ada ada me yom cwinyi. Man pe teloke ni gin matime ikwoni ma wang pe nenoni dit kato ada monini woko, ento ada moni ma miyo yo me tam ma meri loke maberi a ki igin ma iwok ki iye. Kwo muloke, alokaloka i kiti, lagam me lega ducu tye malube ki kit ma waniang kwede ni Lubanga tye ada.
Ada ma ngat acelacel tye kwede nyutu botwa ni Lubanga tye ada, dok man obedo kitma Lubanga mito ni dano ducu gubed kwede. Lubanga kikome obino ilobowa kany, i te cal pa dano (2 Jo Korint 4:6), wek wabed ki wat ikin wan ki En (Jon 14:6). Jo ma giyenyo Lubanga ki cwiny me ada gibinoge (Matayo 7:7-8), ma bikelogi i tye pa Cwiny Maleng (Jon 14:26-27).
Lapeny ni Lubanga mono tye ada?, dong, pe kitwero gamone ki lanyut mo makome nen, ento watwero cimo ikom jami ma nyutu ada ni en tye. Ye ni Lubanga tye pe obedo niye ma wange peke ma miyo wapye i colpiny. Ento man obedo rwom ma kwanyowa woko ki i colpiny mamiyo dero menyo piny weko jami ducu nen maber.
English
Itye ki lapeny mo?