Kibii:
Yecu obedo anga?
Lubo:
Lapeny man pat ki lapeny ni “Lubanga mono tye ada?” Jo manok keken aye gipenyo lapeny ikom ka Yecu Kricito obedo tye. Pol dano giye Yecu obedo laco ma yam obedo i lobo Icrael i mwaka alip aryo mukato angec. Larolok man cake ikom anga ma Yecu obedo kikome. Pol dini ducu pwonyo ni Yecu obedo lanebi onyo lapwony maber onyo ni obedo ngat ma maro dini. Ento Baibul waciwa ni Yecu obedo dit makato lanebi, onyo makato lapwony maber, wa ki ngat ma maro dini woko.
C.S. Lewis i buke "Mere Christianity" coyo lok magi ni: “Atye kany kacoyo kun ateme me gengo dano mo keken me waco lok mingo ikom En [Yecu Kricito]: ‘Atye atera me jolo Yecu macalo lapwony madit ma opwonyo ikom kwo ki kit ma atir, ento pe atwero ye ni en Lubanga ikit ma en kete kwedeni.’ Meno obedo gin acel ma omyero pe wawac. Laco ma onongo dano adana ma owaco lakit lok ma Yecu owaco pe twero bedo lapwony madit ma pwonyo kit ma atir. Man twero bedo ngat ma wiye pe tiyo—irwom acel ki laco ma waco ni kikwalo ryeko ma iwiye woko—onyo nongo en obedo Catan me kapiny. Omyero in imok tam ma meri. Ka laco man obedo, dok tye, Wod pa Lubanga, onyo lapoya onyo gin mo marac makato meno. Itwero juke woko macalo laming, itwero ngulu laa ikome ci ineke woko calo cen; onyo bene itwero ryebe piny inyime kun ilwonge ni Rwot ki Lubanga. Ento pe myero wakati ki lok mogo me bwolo ma dwoko rwome piny ni en obedo lapwony madit ma mwa. En pe oweko yo mo ma myero wayer. En pe onongo bene tye ki tam ma kitmeno” (Macmillan, 1952, p. 55–56).
Ci, Yecu mono owaco ni en anga kono? Baibul kono waco ni en obedo nga ka? Mukwongo, En aye Lubanga i te cal pa dano. Yecu owaco i Jon 10:30 ni, “An ki Wora wan acel.” I neno mukwongo, man pe obedo kete me bedo Lubanga. Ento, kong iloke inen Lujudaya kit ma gudoke kwede iye ikom lok meno. Gin gukwanyo got me cele “pi yeto Lubanga, pien in i dano adana ikete keni ni in Lubanga” (Jon 10:33). Lujudaya guniang ikom gin ma Yecu owaco. I tyeng malubuni, Yecu pe owaco lok mo nyo me tirogi ikom lokenu. En pe owaco ni pe eete aeta ni en Lubanga.” Ikare ma Yecu owaco ni, “An ki Won wan acel” (Jon 10:30). I ada en onongo tye kawaco ni en erom aroma ki Lubanga.
I Jon 8:58 Yecu waco ni en onongo dong tye ma peya piny ocake, ma obedo kit pa Lubanga: ”’Adada awaciwu ni, ma Abraim pud pe, onongo dong an atye.’” Me dok iye bote, Lujudaya gukwanyo got me celo Yecu (Jon 8:59). I waco ni en onongo dong tye ma peya piny ocake, Yecu otiyo ki nying Lubanga acel ni —ATYE (nen Nia 3:14). Lujudaya gukwero Yecu woko pi tic ki nying ma obedo pa Lubanga kene ni Lubanga odoko dano, ento gin onongo guniang ikom gin ma En tye kawaco.
Coc mukene ma i Baibul ma cimo ikom Yecu ni en Lubanga i te cal pa dano gin ene Jon 1:1, ma waco ni, “Lok en Lubanga,” medo ki ma i Jon 1:14 ma waco ni, “Lok odoko dano.” Tomaci ma en ngat acel ikin lukwenane owaco ikom Yecu ni, “In i Rwoda ki Lubangana” (Jon 20:28), Yecu pe okwero lok man ma Tomaci owaconi. Paulo ma lakwenane waco ikom Yecu ni “Lubangawa ki Lalarwa, Yecu Kricito” (Tito 2:13). Petero ma Lakwenane bene waco gin acelu, kun lwongo Yecu ni “Lubangawa ki Lalarwa” (2 Petero 1:1).
Lubanga Won bene nyutu caden ikom anga ma Yecu obedo ni: “Ento i kom Wode en oloko ni,
“Komkerri, in Lubaŋa, biri nakanaka, odoo kerri en odoo me ŋolo kop atir”’ (Jo Ibru 1:8; por ki Jabuli 45:6). Lok me nebi ma i Cik Macon macalo Icaya 9:6 tucu ni Yecu tye ikit pa Lubanga kikome: “Pien doŋ ginywalo botwa latin, gimiyo botwa latin laco; gibimiyo en tiŋo twero me Loc i wi gwoke, nyiŋe gibicako ni, “Lami-tam ma giuro, Lubaŋa Won Twer, Won ma bedo nakanaka, Laloc ma kelo kuc.” (kimedo lok mogo pien pirgi tek).
Gin ango mumiyo pi lapeny ikom anga ma Yecu obedo tek tutwal? Gin ango mumiyo kiparo ka Yecu obedo Lubanga? Tyen loke pol:
• Macalo C. S. Lewis onyutu kamaleng, ka Yecu pe obedo Lubanga, ci Yecu nongo lagoba makato ducu dok nongo pe gene i yo ducu.
• Ka Yecu pe obedo Lubanga, ci nongo lukwenane ducu gubedo lugoba.
• Yecu obedo Lubanga pien onongo yam kiciko pi Lalar ni obedo “Ngat Maleng” (Jabuli 16:5, NASB). Kitmacalo pe tye ngat mo maleng i lobo kany inyim Lubanga (Jabuli 53:1; 143:2), ci Lubanga kikome aye obino odonyo i lobo kany i te cal pa dano.
• Ka Yecu pe obedo Lubanga, ci tone pe romo culu pi bal me lobo ducu (1 Jon 2:2). Lubanga keken aye onongo twero miyo gin ma agikine peke, gityer me wel madit ma bedo naka (Jo Roma 5:8; 2 Jo Korint 5:21).
• Lubanga en kene Lalar (Kocea 13:4; por ki 1 Temceo 2:3). Kace Yecu aye tye Lalar, ci En omyero obed Lubanga.
Yecu obedo Lubanga dok bene obedo dano. Macalo Lubanga, Yecu onongo twero juku akemo pa Lubanga. Macalo dano, Yecu onongo twero to. Macalo Lubanga- dano, Yecu aye lacungu ma ribo Lubanga ki dano ikin polo ki lobo (1Temceo 2:5). Lare tye kun wok ki i Yecu Kricito. Yecu odokke iye ni, “An a yo, ki ada, ki kwo: pe tye ŋat mo ma bino bot Won, kono ki i an keken” (Jon 14:6)
English
Itye ki lapeny mo?