Kibii:
Teloke ningo me jolo Yecu macalo lalar ma meri?
Lubo:
In mono dong ityeko jolo Yecu Kricito ikwo ma meri me lari? Me bedo ki niang matut ikom lapeny man, omyero kong ikwong niang ikom nying magi ni “Yecu Kricito,” “ma meri,” ki “Lalar.”
Yecu Kricito en anga? Pol dano biye ni Yecu Kricito obedo dano maber, lapwony madit, onyo bene ni lanebi pa Lubanga. Magi ducu mere obedo lok me ada ikom Yecu, ento pe gubedo anga ma en obedo kikome. Baibul tito botwa ni Yecu aye Lubanga ento obino I cal pa dano (nen Jon 1:1, 14). Lubanga obino I lobo me pwonyowa, cangowa, tirowa, weko balwa—ki me to pirwa! Yecu Kricito en Lubanga, Lacwec, Laker madit. Tika dong ityeko jolo Yecu ni eni?
Lalar obedo gin ango, dok pingo wamito Lalar? Baibul tito botwa ni wan ducu lubalo; wan ducu watimo jami maraca (Jo Roma 3:10-18). Macalo adwogi me balwa, wan wapore me nongo akemo ki ngolo kop pa Lubanga. Pwod mupore ki balwa ikom ma pe tum aye pwod ma bene pe tum (Jo Roma 6:23; Niyabo 20:11-15). Ma omiyo wamito Lalar!
Yecu Kricito obino I lobo ci oto ma ka wan. To pa Yecu obedo cul ma lapore peke pi balwa (2 Jo Korint 5:21). Yecu oculu pi balwa wek pe wacul pi balwa. (Jo Roma 5:8) Cer pa Yecu ki ikin jo muto onyutu ni tone oromo wel cul me balwa woko litik. Meno aye gin mumiyo Yecu aye Lalar acel keken (Jon 14:6; Tic pa Lukwena 4:12)! Itye mono kaketo gen ma meri ikom Yecu macalo Lalar ma meri?
Yecu mono aye “Lalar ma meri”? Pol pa dano gineno calo cito I kanica aye obedo bedo lakricito, cobo cik mogo me kanica, onyo bedo labongo timo kit bal mogo. Man pe yo me bedo lakricito wa ki acel. Bedo ki wat me ada ikin in ki Kricito aye miyo ibedo lakricito me ada bene kun iketo niyeni kacel ki gen meri ikome. Pe tye ngat mo ma lare pi niye pa lawote. Pe tye ngat mo ma bale kiweko pien tye gin mo ma en timo. Yo acel keken me lare en aye yo me ye Yecu Kricito macalo lalar ma meri, kun iketo gen ma meri ikom to ma mereni me cul pi bali ki cer ma mereni en aye me miyo ki in kwo ma pet tum (Jon 3:16). Yecu mono aye Lalar ma meri?
Kace imito jolo Yecu Kricito macalo Lalar ma meri, ci kong ileg kun iwaco lok magi inyim Lubanga. Po ni, Waco lok ma ilega man onyo kwai lega mukene ducu pe bilari. Keto gen ma meri ikom Yecu keken kacel ki gin ma en otiyo ikom yatariya aye twero laro in ki ikom bal ma meri ducu. Nwoyo lok me lega man obedo mere yo me nyutuni iye en dok ipwoye pi miyo yo me laro inki I bal ma meri ducu. “Lubanga, angeyo ni an abalo ikomi dok apore ki pwod pi bal ma mera ducu. Ento kombedi dong aye ni Yecu otingo pwod pi bala ducu wek me wok ki I niyena ikome kitima kica pi bala ducu. Dong ajolo mic me weko bal ma mera kun ageno lar ma imiyo. Ajolo Yecu macalo Lalar ma mera I cawa man! Apwoyi pi kicani madit tutwali ki pi weko bala—ma en aye mic me kwo ma pe tum! Amen!”
Dong ityeko moko tami me jolo Kricito pi lok ma ikwano ki kany? Ka kumeno, ci gwet kanget lok man ni “Ajolo Kricito inino ma tin.” English
Itye ki lapeny mo?