Kibii:
Yo me lare aye mene?
Lubo:
Kec tye kaneki ce? Pe kec kwon, ento itye ki kit kec me gin mo madit makato I kwo man? Tika tye gin mo ma okane icwinyi kuca ma cwinyi gomo atika? Ka tye ci, Yecu aye yo! Yecu owaco ni, “An a kwon me kwo. Ngat ma bino bota, kec pe bineke; ngat ma ye an, orwo pii pe dok bineke matwal” (Jon 6:35).
Itye ki anywenanywena mo iwii? Pe iniang ikom gin moni ma myero ki in me atima ikwo ma meri? Ineno ni itye kawot I colpiny labongo nongo yo me kato woko ki iye? Ka kit meno, Yecu aye yo me Lareni! Yecu owaco ni, “An a ceng me lobo; ngat ma luba pe biwoto I piny macol, ento bibedo ki ceng me kwo” (Jon 8:12).
Tye kare mo ma iwinyo calo kiloro wii woko cen ki I kwo man? Dong iteme me yabo dogola mapol, ento inongo ni kadi ka iyabogi ento gin mo peke iigi dok kongi bene peke? In mono itye ka yenyo kadonyo ikwo ma opore? Ka kitmeno, Yecu owaco ni en eyo me Lare! Yecu owaco ni, “An a dogola; ka ngati mo odonyo ki bota, en bibwot, bidonyo, bikatti woko, binongo cam” (Jon 10:9).
Dano mono pe gicobo cikegi boti? Wat ma ikinwu kine mogo mono pe bedo wat matut dok pe teri kamo? Ineno mono ni dano gicami lakucel keken? Ka kumeno, Yecu aye yo! Yecu owaco ni, “An lakwat maber. Lakwat maber miyo kwone pi romi; angeyo romina, romina bene ngeya” (Jon 10:11, 14).
Kine mogo mono iuru ikom ngo matime inge kwo man? In mono iwinyo ni iol woko ka kwo pi jami ma top ma nyal mako woko? Kine mogo mono ikalo akala telok ni kwo mono obedo gin ango? Imito bedo kwo inge to ce? Ka kumeno, Yecu aye yo me lare! Yecu owaco ni, “An nicer ki kwo. Ngat ma ye an, kadi oto, dok bikwo; dano ducu makwo ma ye an, pe bito matwal” (Jon 11:25-26).
Yo aye ngo? Ada aye ngo? Kwo aye ngo? Yecu ogamo ni, “An a yo ki ada ki kwo. Pe tye ngat mo ma bino bot Won kono ki i an keken” (Jon 14:6).
Kec ma iwinyoni obedo me cwiny, dok bene Yecu keken aye twero cobone. Yecu keken aye twero walo colpiny monini woko cen. Yecu aye dogola me cobo mitini wa ki me nongo kwo ma pe tum. Yecu obed larem ki lakwat ma cwinyi tye kapuke pireni. Yecu aye kwo—I lobo man wa ki I ma binoni. Yecu aye yo me lare!
Gin mumiyo cwinyo puke, gin mumiyo inen calo irweny woko I colpiny, gin mumiyo inongo ni kony me bedo kwo pekeni, aye ni ipoke woko ki ikom Lubanga. Baibul waco botwa ni wan ducu wabalo omiyo wapoke woko ki ikom Lubanga (Latitlok 7:20; Jo Roma 3:23). Bur moni ma icwinyini tye pien kwoni opoke woko ki ikom Lubanga. Kicweyo in me bedo ki wat ikin in ki Lubanga. Ento pi bal ma meri, omiyo ipoke woko ki i wat man. Marac makato man aye ni, bali biweko ipoke woko matwal ki ikom Lubanga, ikwo man wa I kwo mabinoni (Jo Roma 6:23; Jon 3:36).
Peko man kitwero cobone nining? Yecu aye yo me lare! Yecu otingo bali woko ducu iwiye (2 Jo Korint 5:21). Yecu oto ma ka in (Jo Roma 5:8), me kwanyo pwod ma in myero inong. Inge nino adek, Yecu ocer woko ki i lyel, kun nyutu loc ma mere ikom bal ki to (Jo Roma 6:4-5). Pingo en otimo man? Yecu ogamo lapeny man en kikome: “Pe tye ngat mo matye ki mar madit makato man, ni dano miyo kwone pi lureme” (Jon 15:13). Yecu oto wek in ibed kwo. Ka iketo niyeni I Yecu, kun iketo gen ma meri ito ma en oto macalo cul pi bali, ci bali ducu dong kiweko woko. Ci dong kec moni ma icwinyini dong bigik woko. Dero dong bimeny boti. Dong ibiyeng ki kwo. Ibingeyo laremi ma pire tek ki lakwat maber. Ibiniang ni itye ki kwo inge to—ibicer icito I polo i kwo ma pe tum kacel ki Yecu!
“Pien Lubanga con omaro lobo oweko omiyo iye wode acel keken, wek dano ducu ma ye en pe to, ento obed ki kwo ma pe tum” (Jon 3:16).
Dong ityeko moko tami me jolo Kricito pi lok ma ikwano ki kany? Ka kumeno, ci gwet kanget lok man ni “Ajolo Kricito inino ma tin.” English
Itye ki lapeny mo?