Kibii:
Dong atyeko keto niye ma mera ikom Yecu, ngo dong kono?
Lubo:
Pwoc madit boti! Dong ityeko yero gin madit ma obiloko kwoni! Twero bedo ni itye kapenye ni, Gin ango dong kono? Atwero cako wot na nining ki Lubanga?” Yo abic magi matye piny kany binyuti gin me atima ki I Baibul. Ka inen itye ki lapeny mogo inyimi, tim ber icit ilim lok makany www.GotQuestions.org.
1. Nen ni iniang ikom lok me lare.
1 Jon 5:13 waco ni, “Acoyo lok man botwu, wun jo muye nying Wod pa Lubanga, wek wunge ni wutye dong ki kwo ma pet um.” Lubanga mito ni waniang ikom lare. Lubanga mito ni wabed kun wangeyo maber ni walare. Kong wanen wiyewiye lok ma pirgi tek mamako lok me lare:
a) wan ducu wabalo. Wan ducu watiyo jami mogo ma ngeto cwiny Lubanga (Jo Roma 3:23).
b) Pi bal ma mewa, pwod ma opore pirwa en aye pe me ribe kacel ki Lubanga matwal (Jo Roma 6:23).
c) Yecu oto ikom yatariya me culu wang balwa ducu (Jo Roma 5:8; 2 Jo Korint 5:21). Yecu oto ma ka wan, kun otingo bal ma myero ki wan. Nicer ma mere onyutu ni to pa Yecu aye lacul ma opore pi balwa.
d) Lubanga miyo weko bal ki lare bot jo ducu ma giketo niyegi I Yecu –kun nongo giketo gen ma meggi I tone macalo cul pi balwa (Jon 3:16; Jo Roma 5:1; jo Roma 8:1).
Meno aye kwena me lare! Kadong ityeko keto niye ma meri I Yecu Kricito macalo lalar ma meri, nongo dong ityeko lare woko! Bali ducu nongo kiweko woko, ci Lubanga cike pe me weki kadi ki acel (Jo Roma 8:38-39; Matayo 28:20). Po ni, lare ma meri dong ocung woko liking ikom Yecu (Jon 10:28-29). Ka gen ma meri ocung ikom Yecu keken macalo lalar ma meri, ci cwinyi twero bedo mupye ni ibibedo i kwo ma pe tum kacel ki Lubanga I polo!
2. Nong kanica maber ma pwonyo Baibul.
Pe itam mere pi gedo ni en aye kanica maber. Dano aye obedo Kanica. Pire tek tutwal ni jo muye Yecu Kricito myero gubed ki guregi kun ginywako kacel ki wadgi. Meno aye gin ma pire tek ki ikin tyenlok ma oweko kanica tye. Kitma dong ityeko keto niye ma meri I Yecu Kricito, dong wacuku cwinyi mada me nongo kanica ma ocung I pwonye me Baibul macok ki kama ibedo iye wek I lok ki lakwat ma iye. Wek en onge ikom niyeni I Yecu Kricito.
Tyenlok me aryo pi kanica aye me pwonyo Baibul. Itwero pwonye ikit me keto lok pa Lubanga itic ikwo ma meri. Niang ikom Baibul pire tek wek ibed ikwo mupore ma opong ki teko macalo in lakricitayo. 2 Temceo 3:16-17 waco ni, “Ginacoya ducu ma yam gicoyo, gicoyo pi teko pa Cwiny pa Lubaŋa. Konyo me pwony, me juko dano, me tiro kit pa dano, me nyebo dano wek gulub kit ma atir, wek dano pa Lubaŋa obed muteggi, ma bene oyubbe i yo ducu, ma romo tiyo kit tic mo maber ducu.”
Tyenlok me adek pi kanica aye me pak. Pak aye miyo pwoc bot Lubanga pi jami ducu ma en otiyo! Lubanga olarowa. Lubanga me awora. Lubanga miyowa jami ducu. Lubanga telowa kun nyutiwa yo. Pe watwero pwoye nining? Lubanga leng, kite atir, lamar, lakica, dok opong ki kica. Niyabo 4:11 tucu ni, “Rwotwa ki Lubangawa, in imyero me nongo deyo ki woro ki teko, pien in aye ma yam iketo jami ducu, dok bene pi miti ni omiyo gubedo tye, meno aye gin mumiyo giketogi.”
3. Kwany kare nino ducu me keto tami ikom Lubanga.
Pire tek mada botwa me kwanyo karewa nino ducu me keto tamwa ikom Lubanga. Jo mogo gilwongo kare man ni “kare me lingo.” Mukene gilwongo ni “dyere,” pien man aye kare me mine keni bote. Jo mogo kwanyo kare man odiko con, jo mukene ki I otyeno. Itwero yero mo keken ma myero kwedi. Gin ma pire tek aye ni myero idyer kwoni kare ki kare inyim Luabanga. Jami mene ma watimo ikarewa inyim Lubanga?
a) Lega. Lega obedo lok ki Lubanga. Lok ki Lubanga ikom gin ducu makwako in wa ki pekoni ducu. Lege wek omii ki in ryeko ci oteli. Leg Lubanga me mini jami ducu ma imito. Wace kit ma imare wa ki kit ma ipwoye kwede pi jami ducu ma en timo piri. Meno aye obedo lega.
b) Kwano Baibul. Medo ikom nongo pwonye i Baibul i kanica, Sunday school/onyo pwonye i Baibul– myero ibed kakwano Baibul piri keni. Jami ducu ma imito wek i kwo i yo mupore macalo lakricitayo tye i Baibul. I iye tye yo ducu ma Lubanga telowa kwede ikit me tic ki ryeko, kit me ngeyo mit pa Lubanga, kit me tic pi jo mukene, kacel ki kit me teggi ikwo me cwiny. Baibul aye lok pa Lubanga botwa. Baibul aye cik pa Lubanga ma kicoyo piny me nyutiwa yo me kwo ma cwiny Lubanga pwoyo wa ki ma yomo cwinywa bene.
4. Mak larem ki jo ma twero konyi me teggi ikwo me cwiny.
1 Jo Korint 15:33 waco ni, “Pe wuwek gibwolwu: bedo ki jo marac balo kit mabeco.” Baibul opong ki cik ikit gin ma mako larem ki jo “maracu” timo ikomwa. Bedo kacel ki jo ma lutim maracu keliwa atematema me lubu yogi. Yo me kwo pa jo ma wabedo kwedgi “moto motmot” ikomwa. Meno aye omiyo pire tek me mako larem ki jo ma gimaro Rwot ma gudyere me tic pire.
Teme me mako larem ki ngat acel nyo ki jo aryo mo, ma i kanica ma meri, ma gitwero konyi dok gicuku cwinyi (Jo Ibru 3:13; 10:24). Leg luremi me poyo wii kakwanyo kareni me dyere inyim Lubanga. Penygi ka myero in bene ipo wigi i yo acelu. Man pe teloke ni dong ijal luremi mukene ma peya guketo niyegi ikom Yecu macalo lalargi woko. Mede ki bedo laremgi gire dok imargi bene. Ento wek gunge ni in dong ityeko nongo kwo manyen dok pe dong itwero mede ikit yo me kwo macon ca. leg Lubanga wek omini kare me nywako lok mamako Yecu ki luremi.
5. Wek kibatija in woko.
Jo mapol giniang ikom lok me batija olungtuke. Nyiglok ni batija teloke ni “lutu libuc i pii.” Batija obedo yo me baibul me tucu niyeni manyen i Kricito wa ki dyereni me lubu en kamaleng. Tim man me luti woko libuc I piini obedo lanyut ni in dong kityeko yiki kacel ki Kricito. Kwanyi woko ki I piini obedo lanyut ni in dong ityeko cer woko kacel ki Kricito. Nongo batija nongo itye kanyute ni in dong tye kacel ki en I tone, yike, ki cerne (Jo Roma 6:3-4).
Nongo batija aye pe weko ilare. Batija pe jwayo bali woko. Batija mere tye me nyutu ni in laworo, dok inyutu niyeni me lareni atyer i Kricito. Batija pire tek pien obedo yo me nyutu cwak – wa ki tyero niyeni ki dyereni kamaleng ikom Kricito. Ka itye atera me nongo batija, ci myero ilok ki lakwat ma meri.
English
Itye ki lapeny mo?