Ubusansa:
Bushe Lesa eko aaba?
Imfwa:
Ukufwaya ukwishiba nga Lesa eko aaba, eelipusho ilikankaala kuli cila muntu ukutontonkanyaapo. Amatontonkanyo ayapusana-pusana pali Lesa yaaba ayeengi, lelo ukwaasuka ilipusho ati Bushe Lesa eko aaba? caalilinga ukubiikako amaano sana nookusanga ifyaakwishibilapo ifiingi. Kumpela yakutontonkanya pafimonekela abantu, nefyamuli science, nefyamaano ayamukutontonkanya, neefyamoneeke kale, elyo twingaasuka ati, ee mukwai, Lesa eko aaba.
Iliingi line, ili ilipusho balalipilibula nookwipusha ati, “Kuti washininkisha shani ati Lesa eko aaba? Ubwaafya bwabapo ni ubu ubwakweba ati, nangu iciine caliibela, lelo takwaba icakushininkishishako ukwabula ukuboomfya amaano yakutontonkanya, pamo neensamushi. Eecalenga ukuti nangu pakupingula imilandu, tababomfya icishiinka cine ciine pakuputula umulaandu; lelo balafwailikisha pakuti “bafumyeeko ifyakutwishika fyoonse” nookulolekesha pali “fyoonse ifingacitwa”.
Ukufwayafye ati umone “icishininkisho” ico boonse bengakana ukutwishika, icakulanga ati Lesa eko aaba, ninshi uleekaana ukutontonkanya bwino. Mubwikalo bwine bwiine pacaalo, takuba kufwayafye ati kano kube icakwishibilapo, nangu abantu beene, teefyo baaba. “Ukukumana” ifimoneeke, elyo “nookufipokelela”, fyaalipusana saana. Iceebo ico balandilepo bwino nookushininkisha, teti bacisumine kumuntu uushilefwaya ukusumina. Kuli ena uukanafye fyoonse, “icishininkisho” buufi, nangula kuti cashinina abeengi. Icintu afwaaya umuntu, eecikankalapo ukucila icishininkisho ico mwingakumana.
Eekweba ati apa paalinga paaba “icicetekelo” — ukucila ukumonafye ati Lesa eko aaba. Ifwe tatwaakwata maka ayakwishiba umwapwilapo. Akapatulula nookulapingula calimo eecilenga tulekaana ukutontonkanya bwino. Kwakulaaba ubupusano mufintu “twingeshiba” neefyo “twingachetekela”. Elyo uyu musango waaba kuli abatwiishika nakuli abaacicetekelo. Teti twishibe fyoonse ifyaabamo pakwikala mucipuna, nangula pakwilya ifyakulya, nangula pakuniina umutanto. Pakucita ifili fyoonse ifi, boonse baficita mukucetekela. Tucita ifyo tucita nangu tatwishiba, pantu tuficitila pali fintu twaishiba. Eepashintilila icetekelo camuliBaibele, ikubiikilako neeciocetekelo cakweba ati Lesa eko aaba. Tucetekela ifiintu twaishiba, eecilenga tucite ifintu, nangu tafitulondolokela umwapwilapo (Bahibulu 11:6).
Nangu umuntu aalisumina ati Lesa eko aaba nanguala ati taabako, ukulandeefyo caaba cicetekelo. Ukusumina ati Lesa eko aaba, tacaaba icicetekelo icabumbulamano (Yoani 20:29), elyo icicetekelo ciine tacakwata maka ayakukanya ubulwani nookulwishanya (Yoani 5:39-40). Ukukosha icicetekelo, ecimonekela abantu, neefyamaano ayamukutontonkanya, neefyakwishibilapo ifimoneka, fyoonse ifi eefyafwilishako ukwasuka ili ilipusho ilyakweba ati, bushe Lesa eko aaba?
Bushe Lesa eko aaba? — Ifimonekela Abantu
Pakulanda pacebo caakubako Lesa, ilingi caambila pafyamaano ayamukutontonkanya. Ukuciteefyo, camaano, lelo tefyo caaba mubwikalo bwabantu. Takwaaba uwambafye ukulanda ukwabula ukutontonkanya pali fyoonse ifyamubwikalo, elyo aalindilafye ati akoonke kwati ciilubi icishaakwata maano. Abantu balaanda ifyabwikalo ukukoonka pafintu fyamucaalo bekalamo. Eico, pakulanda pacebo caakubako Lesa, baalinga uykjwambiola pafimoneka. Ukukonkanyapo, elyo twingaboomfya amaano ayamukutontonkanya pakupima fintu tulandile.
Ifyakwishibilapo ati Lesa eko aaba, fyaaba mufimonekela abantu cila bushiku (Roma 1:19-20); Amalumbo 19:1; Kafundisha 3:11). Ici caalundapo nookwishiba imibeele isuma mumitima. Caaba nakuli fyoonse ifyapangwa ifyatushinguluka. Ubwikalo bwabuntu eebwalanga ukutila ati iciine, nookubepa, neecitemwiko, noobusuma, noobubi, nafyoonse ifyashala, eko fyaaba, elyo kuli ico fyabelako. Bucintu bwingi mubwikalo bwafyamoneke kukale baalolele kukusumina ati kwaliba ifintu nafiimbi ukupula pafintu tumona nookwikata.
Ifyakwishibilapo ati Lesa eko aaba, fyaaba mufimonekela abantu cila bushiku (Roma 1:19-20); Amalumbo 19:1; Kafundisha 3:11). Ici caalundapo nookwishiba imibeele isuma mumitima. Caaba nakuli fyoonse ifyapangwa ifyatushinguluka. Ubwikalo bwabuntu eebwalanga ukutila ati iciine, nookubepa, neecitemwiko, noobusuma, noobubi, nafyoonse ifyashala, eko fyaaba, elyo kuli ico fyabelako. Bucintu bwingi mubwikalo bwafyamoneke kukale baalolele kukusumina ati kwaliba ifintu nafiimbi ukupula pafintu tumona nookwikata.
Ifitumonekela, tefyakwishibilapofye fyeeka. Munceende yafintu ifitumonekela, Lesa aboomfya fintu asokolola ukuba ifyakwiitilamo abantu (Ubusokololo 3:20). Ifitumonekela lyoonse fyaabako pakutila ati fikoseleshe iceebo icakulenga ati tufwailikishe saana amaasuko (Mateo 7:7-8) Abasuula, nangula abaapata ubwite bwakwe Lesa, teti bamone akabepesho kakukaana ishiba (Roma 1:18; Amalumbo 14:1).
Bushe Lesa eko aaba? — Amaano yabuntu ayamukutontonkanya
Amaano ayamukutontonkanya aayamaka saana ayo balandapo pacebo cakubako Lesa, yaaba yatatu, ati pafyamulwelele, pali ifyo ifintu fyaabelako, napafyamibeele isuma mumitima.
Ilyashi ilya pafintu ifyamulwelele, balolesha pali ifyo ifintu ficitwa neefikonkapo. Ati cila icintu icikonkapo, kulaba icicitwa, elyo icili coonse icicitwa, naco ciine caaba icikonka pali ciimbi icaacitwa. Lelo, ifi fintu ifikonkanyapo ukucitwa, teti filetwalilikapo kunuma nookukaana ukuleka, pantu umulongo waafiko teti ukwate apaakwambila. Kanshi amaano ayamukutontonkanya, yafwaya ati kwalinga ukuba icintu cimbi kunse yafilya ificitwa, elyo ico ciine naco, tacikonka pali fiimbi ifyacitwa. Kanshi ekutiila ati icaalo nafyoonse ifyashingulukako, tafyabako umuyayaya, nangula ukukaana citwa. Kanshi amaano ayamukutontonkanya yaletulanga Lesa: eeushapangwa, uwabako umuyayaya uwakupiminapo ifintu fyoonse, eewaKwambilapo Ifyacitwa mukuba kwesu.
Palyashi lya pali ifyo ifintu fyaabelako, balolesha pali fintu icaalo neefyashinguluko fyaapangwa. Pali fyoonse ifyamumulu, kwaaba ifipangwa ifyashinguluka akasuba eecikalambapo ukucila fyoonse, elyo kwaaba utwapanga fintu umuntu aaba (DNA), nootuntu utushingamonwa — ifi fyoonse filanga ati fyaalipekanishiwe. Aya amaano yalanga ati, naabantu abalanda ati Lesa taabako, chilabapesha amaano pakukaana londolola fintu ifintu fimoneka ukuba ifyapekanishiwe.
Tapali apakwishibila ati utuntu utushingamonwa, nangula amaka yafintu, fyaaba ifyapekanishiwe nookuba fintu fyaaba. Nangu niifyo, nga ifintu tafyaali fintu fyaaba, umushingalondololwa — pamo neefyamweo — niinshi teeti fingabako. Imyanda yafintu ifyamucaalo nefyashingulukako fiboombela pamo umwakupapusha pakutila ati ifyamwo fingabako, nafyoonse ifimoneka. Ifyamaano ya Science, tafyalaanda nangula ukulondolola ati ifyamweo fyaafuma mushifyakwata mweo, lelo filalangako ati ifipangwa fimo ifingalondololwa fyaishile ambakofye, mpo. Ibumba limo ilyabantu bamaano ayakwishiba ifyakukale pakufiimba, baalisanga apo baalemba ati Ndi pamo pambali yalucengo, elyo batiile ati caciine kwaali abamaano. Lelo utwapanga fintu umuntu aaba (DNA), tusokolola ati twalipula mukutupanga kumaano yabantu. Ubukankala bwaifi ifyakwishibilapo, namukutontonkanyafye ukwabutu, eepakumwena ati kwaali Uwapekanyishile Uwamaano — niLesa.
Palyashi lyapali ifyamibeele isuma mumitima, lilanda pabusuma noobubi, napabwikalo ubwafyamibeele isuma mumitima. Calinga ukutasha pakwishiba ati aya amalyashi yaaba pali “ifyo ifintu fyaalinga ukuba”, te kulandafye pali “ifyo ifintu fyaaba”. Amafunde ya ifyamibeele isuma mumitima, yaalipusana saana kufipangwa wingasanga ifyaishilebaako ukwabula ukufipekanya ifishaakwata icikuuku, nookutontonkanya ukwakuisakaminafye ifiine, nookulaikala pakucita icili coonse pakuti fibeko. Pakwishiba ati abantu bamona ifintu mukukaana kwata imibili, kanshi ifyamibeele isuma mumitima fyalinga ukufitontonkanyapo saana.
Elyo tulingile ukwishiba ati ilyashi lyafyamibeele isuma mumitima lilenga tufike apakusala ifyakucita. Kuti twamona ati, bushe ifyamibeele isuma mumitima fyaaba ifyakutunkilisha nookukaana kwata umo fyalondolokela, nangula pali pano apo fyashintilisha ifishipilibuka. Pantu kwaliba ifimonekela abantu, kanshi teti tulandefye ati ifyamibeele isuma mumitima tapali neefyo fyaaba. Kansi icamaano saana icalondoloka icilenga abantu baleetontonkanya ati kwaaliba ifyamibeele isuma mumitima nookulalanshanya mufyamibeele isuma mumitima, eepakwishibila ati amafunde yaciine ayafyamibeele isuma mumitima yafuma kuli umo Uwamafunde ayaFyamibeele isuma mumitima. Lesa wine.
Bushe Lesa eko aaba? — Science yaBuntu
Ili ilyashi lyamatontonkanyo ayapusana tulandilepo, yafuma kufimoneka. Umwalondolokela ifintu ifili kwati icebo cha Big Bang Theory, yalanga ifyo kwaabela icaalo nafyoonse ifyashingulukako ati fiipangwa ifishili fyamuyayaya. Cimo cine nafilya kwaaba utwapanga fintu umuntu aaba (DNA). Ifyo abantu bamona eefilanga buciine bwamuli Baibele ubwakweba ati kwaaliba Kabumba, nookukana fimbi ifilondolola ati icaalo neefyashingulukako fyaali ifyamuyayaya, nangula ifyakweeba ati fyoonse ifyabako, fyaishile bakofye ifiine.
Umusango wakusambilila ifyakukale pakufiimba, nao ulasuminishanya naBaibele. Abantu, neefimoneka, neencende isho baalumbula mu Malembo Yamushilo, balafilumbula nakuli abashaasumina Lesa abaafisanga. Ifingi fyo baasanga, fyafumine kubantu abaleetwishika pakwamba ati ifyamuli Baibele fyaabufi.
Ifyamoneeke mucaalo akale neefyaleembwa fimbi nafyo, fyalisuminishanya nabaibele. Icakwambilapo niici ati Baibele yaalisungwa: icaakweba ati kuti twakonkaisha nokushinta ukwipi nookwamooneke ifya muMashiwi yaMushilo nookwishiba ati kuti twacetekela Baibele. Elyo imibeele yabena Yuda naabena Kristu fiyo yakwata amaka pantambi shabantu, neefyamibeele isuma mumitima, neecebo cafintu ifyalinga umuntu, nookubikilkapo ifyaScience iyashino nshiku, nafyo filanga inshila iyakonka muli buciine.
Bushe Lesa eko aaba? — Lesa muli Ifwe
Fyonse ifyo tulandilepo, fyaliinga uykufisambilila nookulemba ifitabo imyanda iishingapendwa. Lelo kubantu bamo, fintu Lesa aabako, cimonekela saana nga bakumana naLesa abene. Limbi kuti caaba icakaanga “ukushininkisha” kubanoobe ati uli nensaansa, noomba teti cikukanye ukusansamuka. Nangu niifyo, tekweba ati ifili mumutima fyalicila ifimoneka, lelo ifyaciine ifishingalondololwa fishibikwa kumuntu ngafyamumonekela. Akwaluka kwamuntu mubwikalo, ukwaluka kwamutima, neefyo mLesa acitila umuntu ifyo apepa, eefilenga umuntu umwine eeshibe ati Lesa eko aaba.
Umuntu ukumfwafye buciine umwine, eecilenga twishibe ati Lesa eko aaba, elyo eefyo Lesa afwaya ati abantu bengomfwa ifyakubamonekela. Lesa umwine aalishile pano pesondo, nookuba umuntu (2 Kolinto 4:6), eico tulingile ukwishibana naankwe mubuntu (Yoani 14:6). Boonse abafwaya Lesa noomutima oonse, balamusanga (Mateo 7:7-8), elyo icikonkapo ni Mupashi Wamushilo uwingila nookwikalilila (Yoani 14:26-27).
Eico ili ilipusho ati bushe Lesa eko aaba?, teti lyasukwe pakulanga icishininkisho, lelo kuti twalanga ifyakwishibilapo ati Lesa eko aaba. Ukusumina ati Lesa eko aaba, tekuba necicetekelo icabumbula maano. Kucetekela ati ndefuma mumfimfi nookwingila muŋanda umuli ulubuto umo ifingi fingalondoloka.
English
Bushe namukwatako ameepusho?