Ubusansa:
Bushe walikwata umweo wamuyayaya?
Imfwa:
Baibele yaalilanga apabuuta inshila iyakukwatilamo umweo wamuyayaya. Icantansi, twalinga ukwishiba ati twalibembuka kuli Lesa: “Abantu bonse balibifya kuli Lesa, kabili balafilwa no kufika ku bucindami Lesa abapekanishisha.” (Roma 3:23). Boonse twalicita ifintu ifishisansamusha Lesa, ifyalinga batucenjeshe. Pakuba imembu shesu shoonse niLesa uwamuyayaya eo tubembukila, kanofye kwaba ukucenjesha ukwamuyayaya elyo cingalinga. “Pantu amalipilo ya bubifi ni mfwa. Lelo ubupe bwakwa Lesa, bwena mweo wa pe ubo tushukila muli Yesu Kristu Imfumu yesu.” (Roma 6:23).
Nangu niifyo, Yesu Kristu, uushaaba nemmembu (1 Petelo 2:22), Mwana Lesa wamuyayaya aali isa ba umuntu (Yoani 1:1,14) nookufwa pakuti alipile umulandu wesu. “Lelo kwena Lesa alilanga ifyo atutemwa pakuleka ukuti Kristu atufwile ilyo tucili ababifi!”(Roman 5:8). Yesu Kristu aafwile pacapindama (Yoani 19:31-42), nokusenda ukucenjesha ukwatulingile (2 Kolinti 5:21). Pabushiku bwabutatu, aalisangwike kubaafwa (1 Corinthians 15:1-4), nokushininkisha fintu aacimfishe imembu neemfwa. “Pantu pakubusha Yesu Kristu ku bafwa, Lesa alitukwatila uluse nganshi no kutufyala cipya cipya.”(1 Petelo 1:3).
Pakuba neecicetekelo, kansi twalinga ukupilibula amatontonkanyo yesu pali Krtistu – aaba ninani, fintu aacitile, elyo mulandunshi aaficitiile – pamulandu wepusukilo (Imilimo3:19). Nga twakwata icicetekelo muli wene, nookucetekela imfwa yakwe pacapindama ati eefingatulipilila imembu shesu, kuti batweleela nookutulaya umweo wamuyayaya kumulu. “Pantu Lesa alitemwisha aba pano isonde. Abapeela na Mwane uwabafye umo mpo. Pakuti onse uwamusumina, ekaloba, lelo akwate umweo wape.” (Yoani 3:16). “Kanshi nga walumbula pa lwalala auti, “Yesu ni Mfumu,” kabili na mu mutima obe nausumina ukuti Lesa alimubusha ku bafwa, awe ninshi wapusuka” (Roma 10 :9). Icicetekelofye ceeka pancito aaboombele Kristu pacapindama, eenshilafye iyaciine iyakumweo wamuyayaya! "Pantu ni ku cikuuku cakwa Lesa, ico mwasumina, eko mwapusukila. Ici cena bupefye bwakwa Lesa, te ku maka yenu iyoo. Kanshi tapali nangu umo uwakuitakisha pali ici" (Efeso 2:8-9).
Nga ulefwaya upokelele Yesu Kristu ukuba Umupusushi oobe, kuti wapepa ngeefi. Waalinga ukwishiba ati, ukulandafye ili ipepo teti cikupusushe iyo. Kuucetekelafye Kristu eecingakupususha kummeembu. Ili ipepo ninshila iyaanguka iyakulangilamo Lesa icicetekelo ukwete muli wene, nookumutota pakukupususha. “We Lesa, niinjishiba ati naalibembuka kuli imwe, elyo nalinga ukuncenjesha. Lelo Yesu Kristu aaliisenda ukucenjesha kwandi ukwandingile, pakuti ine nga namucetekela, eenganjelela. Naamicetekela pakuti mumpusushe. Naamitotela pacikuuku cenu icakupapusha, neefi mwanjelela – pakumpela umweo wamuyayaya ubwabupe! Ameni!
Bushe naamusala ukukoonka Kristu mulandu wafiintu mubelengele pano? Nga efyo, congeni uku kuunshi uko batiile ati “Niimpokelela Kristu lelo”. English
Bushe namukwatako ameepusho?