Ubusansa:
Bushe walipokelela ubweleelo? Kuti nacita shani pakuti mpokelele ubweleelo kuli Lesa?
Imfwa:
Imilimo 13:38 balaanda ati, “Kanshi bamunyinane bonse mushininkishe ukuti ku mulandu wa Mbila yakwa Yesu iyi tulebila kuli imwe, Lesa akamubelela uluse ku fyabubifi fyenu.”
Nga ubweleelo niciinshi, elyo niinshi ningabufwaila?
Ishiwi ati “ukweleela” lilondolola ati ukufuuta, ukulekelela, ukweleela inkongole. Nga twabiifya umuntu, tufwaya batweleele pakuti kube icuumfwano. Ubweleelo tabupelwa pantu umuntu aalinga ukumwelela. Takwaba uwalinga ukweleelwa. Ubweleelo bufuma pacitemwiko, kuluse, neecikuuku. Ubweleelo bufuma kukufwaya kwamuntu ati eekosha umutima pamuntu munankwe, nangula naacita icibi kuli iwe.
Baibele itweba ati boonse tufwaya ubweleelo bwakwe Lesa. Boonse twalicita ububi. Kafundisha 7:20 aalanda ati, “Pano calo tapaba umololoke nelyo umo uulungika lyonsefye ukwabula ukulufyana.” 1 Yoani 1:8 yalanda ati, “Nga tutila tatwaba na bubifi, ninshi tulaibepa ne cishinka tamwaba muli ifwe.” Imembu shoonse shaaba ukuba bucisanguka kuli Lesa (Amalumbo 51:4). Icaakonkapo, boonse kufwaaya ubweleelo bwakwe Lesa. Nga tabatweleele imembu shesu, tukalaikala yamuyayaya mulandu wammembu shesu (Mateo 25:46; Yoani 3:36).
Ubweleelo – Kuti nabupokelela shaani?
Icakutotela, Lesa wacitemwiko, waluse – aafwaya ukutweleela imembu shesu! 2 Petelo 3:9 batweba ati, “Imfumu ilashingashinga pakufikilisha ifyo yalaya. Imwe kwena ilamutekela umutima, pantu taifwaya ukuti nelyo umo akalobelele, lelo ifwaya ukuti bonse balapile no kupilibuka.” Lesa aafwaya ukutweleela, kanshi eico aabikako ifyabweleelo.
Ukukanda ukwalinga imembu shesu niimfwa. Kumashiwi ayakwambilako ku Roma 6:23, yaeba ati, “Pantu amalipilo ya bubifi ni mfwa …” Imfwa yamuyayaya eyo twaafola pammembu shesu. Lesa mukupekanya kwakwe ukwapwililika, aliisa ba umuntu – Yesu Kristu (Yoani 1:1,14). Yesu aafwile pacapindama, nookusenda ukukanda ukwatulinga – imfwa. 2 Kolinti 5:21 yilatusambilisha ati, “Kristu wena takwete bubifi. Lelo pa mulandu wa ifwe Lesa amucita ukluba ububifi pamulandu waifwe, epakuti mukuba nankwe pamo, tumone ukuba abakaele pa cinso cakwa Lesa.” Yesu aafwile pacapindama, nookusenda ukucenjesha ukwatilingile! Pakuba ni Lesa, imfwa yakwe Yesu yaletele ubweleelo kubena caalo boonse. 1 Yoani 2:2 yalanda ati, “Kristu umwine ewaba ilambo ilifumya ifyabubifi fyesu, kabili te fyabubifi fyesu fyekafye lelo ne fya bantu bonse pano calo.” Yesu aalibuuka kumfwa, nookulanga ukucimfya ububifi neemfwa (1 Kolinti 15:1-28). Natutashe Lesa, pantu ukupitila mumfwa nookusanguka kwakwe Yesu Kristu, twasanga iciine icaaba kucipande cabubili ku Romans 6:23, ati, “ Lelo ubupe bwakwa Lesa, bwena mweo wa pe ubo tushukila muli Yesu Kristu Imfumu yesu.”
Bushe ulefwaya bakweleele imembu shoobe? Bushe ulomfwa mumutima ati uli noomulandu, elyo tacileka? Ubweleleelo ubwammembu shoobe eko bwaaba nga wacetekela Yesu Kristu abe Umupusushi oobe. Efeso 1:7 baalanda ati, “Kristu alitulubula ku mulandu wa mfwa yakwe. Umulopa wakwe walenga nokuti tubelelwe uluse ku fyabubifi fyesu.” Yesu aaliltulipililako inkongole yoonse, pakuti tweleelwe. Icashalako iwe ukucita, kuulomba Lesa akweleele muli Yesu, uku uleecetekela ati Yesu aalikufwiliile pakuti akulipilileko ubweleelo – elyo aalakweleela! Kuli Yoani 3:16-17 kwaaba aya amashiwi ayakupapusha ati, “Pantu Lesa alitemwisha aba pano isonde. Abapeela na Mwane uwabafye umo mpo. Pakuti onse uwamusumina, ekaloba, lelo akwate umweo wape. Pantu Lesa tatuma Mwane pano isonde kukupeela aba pano isonde umulandu, lelo ni pakuti abapusushe bonse.”
Ubweleelo – Bushe bwalyanguka ngeefi?
Ee mukwai, bwalyanguka ifi fiine! Teti uboombele ubweleelo kuli Lesa. Teti uilipilile wemwiine pakuti usange ubweleelo kuli Lesa.
Kuti wabupokelelafye pakucetekela mucikuuku nooluse lwakwe Lesa. Nga ulefwaaya ukupokelela Yesu Kristu abe Umupusushi oobe, mona ili ipepo ilyo wingapepa. Ukulandafye ili ipepo, nangula ipepo ilili lyoonse, teti likupusushe. Kanofye nga wacetekela Yesu Kristu ati eewingakweleela imembu. Ili ipepo lyakulangafye ifyo uleecetekela Lesa nookumutota pakukweleela. “Mwe Lesa, niinjishiba ati naalibembuka kuli imwe, elyo nalinga ukuncenjesha. Lelo Yesu Kristu aalisenda ukucenjesha kwandi ukwandingile pakuti ine nga namucetekela, eenganjelela. Naamicetekela pakuti mumpusushe. Naamitotela pacikuuku cenu icakupapusha, neefi mwanjelela! Ameni!
Bushe naamusala ukukoonka Kristu mulandu wafiintu mubelengele pano? Nga efyo, congeni uku kuunshi uko batiile ati “Niimpokelela Kristu lelo”. English
Bushe namukwatako ameepusho?