Ubusansa:
Nga inshila iyeepusukilo, niinshi?
Imfwa:
Bushe uli nensala? Te nsala yakumubili, lelo bushe uli nensala yafimbi ifyamumweo oobe? Bushe eko fili fimo mumutima oobe ifilenga uleebula ukusansamuka? Nga eefyo, Yesu eenshila! Yesu aatiile ati, “Nine mukate wamweo. Uyo uwaisa kuli ine takatale omfwa insala nakalya. Uyo uwasumina muli ine takatale omfwa icilaka nakalya (Yoani 6:35).
Bushe kuli ifikufulungenye? Bushe cilamoneka kwati tausanga ico wabeelako mubwikalo? Bushe cilamoneka kwati kwaliba uwashimya ulubuto, elyo kwati taulesanga apakwashisha? Nga eefyo, Yesu eenshila iyeepusukilo! Yesu aebele ati, “Nine lubuuto lwa ba pano isonde. Uyo onse uunkonka takatale enda mu mfifi, lelo akakwata ulubuuto ulupeela umweo” (Yoani 8:12).
Bushe walitala umfwa kwati walikomenwa kunse yamweo? Bushe walyeshaapo ifiibi ifingi, nookusanga ati kukati kaafiko takuli fintu, elo kulifye ifyabula ukulondoloka? Bushe ulefwailikisha pakuti usange umwinshi uye kumweo wakukusansamusha? Nga eefyo, Yesu eenshila iyeepusukilo! Yesu alandile ati, Nine mwinshi. Onse uwingilila pali ine akapusuka. Akalaingila no kufuma apo atemenwe, kabili akulasanga icakulya” (Yoani 10:9).
Bushe abantu bamo balakulenga insoni? Bushe bucibusa boobe tabwashika, elyo tamwaaba nangu cimo? Bushe cimoneka kwati boonse bafwaya ukukulila amasuku pamutwe? Nga eefyo, Yesu eenshila! Yesu aebele ati, “Ine ndi kacema musuma. Kacema musuma ni uyo uuleka umweo wakwe pa mpaanga shakwe. Ine ndi kacema musuma. Nalishiba impaanga shandi ne mpaanga shandi nasho shalinjishiba” (Yoani 10:11, 14).
Bushe ulatontonkanyapo paikamoneka kumpela yabuno ubwikalo? Bushe naunaka ukulaikalilafye ifintu ifibola nangula ifyonaika kundalawa? Bushe ulatwishikapo lilo-limo pafyamweo ati limbi tafyalondoloka? Bushe ulefwaya ukabe nomweo nga wafwa? Nga eefyo, Yesu eenshila iyeepusukilo! Yesu alandile ati, “Nine cishukuko kabili nine mweo. Uwasumina ine nangu engafwa, akaba uwamweo. Elyo na onse umumi uwansumina, takafwe nakalya (Yoani 11:25–26).
Bushe inshila yaaba kwiisa? Bushe iciine, niinshi? Bushe umweo, niinshi? Yesu aaswike ati, “Nine nshila, nine cishinka, nine mweo. Teti kube nangu umo uwingesa kuli Tata, kano apita kuli ine” (Yoani 14:6).
Insala iyo umfwa, ninsala yamumupashi, elyo kuti bakwikutishafye kuli Yesu. Yesufye eeungafumyako imfimfi. Yesu eemwinshi wakuya kukusanbsamuka nakumweo wamuyayaya. Yesu eecibusa nakacema uo walefwailikisha. Yesu eemweo—pano caalo namucaalo icikesa bako. Yesu eenshila iyeepusukilo!
Umulandu uwalenga iwe ube nensala, neeco cilemonekela kwati nauluba mumfimfi, elyo neeco teti usangile ukulondoloka mubwikalo, niifyo pantu walipaatuka kuli Lesa. Baibele ilatweba ati boonse twalibembuka, elyo twalipaatuka kuli Lesa (Kafundisha 7:20; Roma 3:23). Icintu icumfwika kwati tamuli ifilimo mumutima oobe, ni Lesa uushili mumweo oobe. Bakupangile ukuti uleeba cibusa naLesa. Lelo pamulandu wammembu, walipaatuka kuli bucibusa bwine. Elyo icabipishapo saana, niici,, imembu shobe shikalenga ukapaatuke kuli Lesa umuyayaya, ukwambila mubwikalo bwashino nshiku, nookushinta kubwikalo bukesa bako (Roma 6:23; Yoani 3:36).
Bushe ubu ubwafya, kuti bwapwa shaani? Yesu eenshila iyeepusukilo. Yesu aalisenda imembu shobe pali wene (2 Kolinti 5:21). Yesu aafwile mumalo yesu (Roma 5:8), nookusenda ukucenjeshiwa kwesu ukwatulingile. Pabushiku bwabutatu, Yesu aalisanguka kumfwa, nookushininkisha ati aalicimfya imembu neemfwa (Roma 6:4–5). Bushe niinshi aacitiile ici cintu? Yesu umwine aaliasuka ilu iliipusho: “Tapaba umuntu uwatemwa umunankwe ukucila pali uyo waleka umweo wakwe pali bacibusa bakwe” (Yoani 15:13). Yesu aafwile pakuti iwe ubeko. Nga wakwata icicetekelo muli Yesu, nookucetekela imfwa yakwe ukuba ilipilo lya mmembu shobe, ninshi uleelelwa imembu shobe shoonse nookushisamfya. Elyo insala yoobe iyamumupashi yingapwa. Ulubuto lulesanika. Wakulafikilisha ifyamubwikalo. Walaaishiba chibusa oobe uwaciine nakacema musuma. Walaaishiba ati naukwata umweo nangu nganaufwa—eemweo uwakusanguka mumulu umuyayaya pamo naYesu
“Pantu Lesa alitemwisha aba pano isonde. Abapeela na Mwane uwabafye umo mpo. Pakuti onse uwamusumina, ekaloba, lelo akwate umweo wape” (Yoani 3:16).
Bushe naamusala ukukoonka Kristu mulandu wafiintu mubelengele pano? Nga efyo, congeni uku kuunshi uko batiile ati “Niimpokelela Kristu lelo”. English
Bushe namukwatako ameepusho?