Ubusansa:
Nga ukupokelela Yesu ukuba Umupusushi uwoobefye, calola mwisa?
Imfwa:
Bushe walipokelela Yesu ukuba Umupusushi uwoobefye? Pakutila ati ili ilipusho likulondolokelea, calinga wabala ukwishiba ifyo aya amashiwi “Yesu Kristu,” “uwoobefye,” na “Umupusushi” yalondoloka.
Nga Yesu Kristu, ninani? Abantu abengi kuti baasumina ati Yesu Kristu aali umuntu umusuma, nakafundisha wamaka, nangula aali nikasesema wakwe Lesa. Ifi fintu fyaaba ifyaciine pakulumbula Yesu, lelo tafyalondolola ukuba kwakwe Yesu muciine. Baibele yaatweba ati Yesu niLesa mumubili wabuntu, ati niLesa mubuntu (moneni kuli Yoani 1:1, 14). Lesa aalishile pano pesonde mukutufunda, mukutuposha amalwele, mukutukanda, mukutweleela—namukutufwila! Yesu niLesa, Kabumba, Imfumu iyaibela. Bushe waalipokelela Yesu?
Bushe Umupusushi, niciinshi, elyo niinshi twingafwaila umupusushi? Baibele itweba ati twalibembuka; boonse twalicita ifibi (Roma 3:10 -18). Icakonka pammembu shesu, twalinga ukupokelela ubukali bwakwe Lesa nookupingulwa. Ukucenjesha ukwalingafye pakubembuka kuli Lesa wamuyayaya, kuupokelela ukucenjesha ukushipwa (Roma 6:23; Ubusokololo 20:11-15) Eico twingafwaila Umupusushi!
Yesu Kristu aishile pesonde nookwisa fwa pamalo yesu. Imfwa yakwe Yesu yaali amalipilo ayashipwa pamembu shesu (2 Corinthians 5:21). Yesu aafwile pakulipila umulandu wamembu shesu (Romans 5:8). Yesu eewali umutengo wamembu pakutila ifwe tushingalipila. Ukusanguka kwakwe Yesu kumfwa eekwashininkisha ati imfwa yakwe, yaalilinga ukulipila umulandu wamembu shesu. Eico Yesu aabelafye eka Umupusushi (John 14:6; Acts 4:12)! Bushe uleecetekela Yesu ukuba Umupushi oobe?
Bushe Yesu Muupusushi “uwoobefye”? Abantu abengi bamona ati ukuba umwina Kristu, kuuya mukulongana, nookuboomba ifyamukulongana, nangula ukukaana cita imembu shimo. Lelo ubwina Kristu bwaciine bwaaba nibucibusa ubwobefye naYesu Kristu. Ukupokelela Yesu abe Umupusushi uwoobefye, calola mukweba ati niwe wemwinefye uukwete icicetekelo nokumucetekela. Takwaaba uo bengapususha pamulandu wacicetekelo cabambi. Takwaaba uo bengapushusha pakuboomba ifyamucilonganino. Inshilafye imo iyakupusukilamo, kuupokelela Yesu abe Umupusushi uwoobefye, nookucetekela imfwa yaakwe ibe amalipilo yammembu shoobe, nookusanguka kwakwe kube iciikatilo cabuumi bwamuyayaya (John 3:16). Bushe Yesu aaliba Umupusushi oobe?
Nga uleekabila ukupokelela Yesu Kristu abe Umupusushi uwoobefye, landa aya mashiwi kuli Lesa. Walinga ukwishiba ati, ukulandafye ili ipepo nangula amapepo yambi, teti yakupusushe. Ukucetekelafye Yesu Kristu neemilimo iyo aakuboombele kale pacapindama, eefingakupususha kummembu. Ili ipepo lyakulangafye ifyo wacetekela Lesa, nookumutotela pakukupususha. “Mwe Lesa, niinjishiba ati naalibembuka kuli imwe, elyo naalinga ukuncenjeshiwa. Lelo nincetekela ati Yesu eewapokeleele ukucenjesha uko naalingile ukupoka, pakutila ati nga namucetekela, kuti aanjeleela. Naapokelela ubweleelo bwenu ubu mwampela, nookumicetekela pakuti mumpusushe. Naapokelela Yesu ukuba Umupusushi uwaandifye! Natotela pacikuuku cenu icakupapusha, napabweleelo bwenu— eemweo wamuyayaya ubwabupe! Ameni!”
Bushe naamusala ukukoonka Kristu mulandu wafiintu mubelengele pano? Nga efyo, congeni uku kuunshi uko batiile ati “Niimpokelela Kristu lelo”. English
Bushe namukwatako ameepusho?