Ubusansa:
Ili line elyo nacetekela Yesu, noomba nifinshi fyalinga ukukonkapo?
Imfwa:
Mwaboombeni! Mwacita icintu icakwalula ubwikalo! Limbi muleipusha ati, “Nomba nifinshi fyalinga ukukonkapo? Nalinga ukwamba shaani ubulendo bwandi naLesa?” Intampulo ishamuli Baibele shisano isho balumbwile uku kuunshi, shalaakutungulula. Nga weakwata amepusho pabulendo boobe, walinga ukutuma ku www.GotQuestions.org.
1. Bikako amaano pakuti ubupusushi bukulondolokele.
1 Yoani 5:13 yilanda ati, “Ico namulembela ifi ni pakuti mwishibe ukuti, imwe mwe basumina muli Mwana Lesa mwalikwata umweo wape.” Lesa aleefwaya ati ubupusushi butulondolokele. Lesa aleefwaya ati tube abapama pakwishiba bwino ati baali tupususha. Bwangu-bwangu, natupite mucebo cabupusushi:
(a) Boonse twalibembuka. Boonse twalicita ifintu ifishisansamusha Lesa (Roma 3:23).
(b) Pamulandu wammembu, twalinga ukutucenjesha pakutupaatula nookutufumya kuli Lesa (Roma 6:23).
(c) Yesu aafwile pacapindama pakuti alipile umulandu wammembu shesu (Roma 5:8; 2 Kolinti 5:21). Yesu aafwile pamalo yaifwe, nookupoka ukucenjesha ukwatulinga. Ukusanguka kwakwe eekwashininkiishe ati imfwa yakwa Yesu eeyaleefwaikwa pakutulipilila imembu shesu.
(d) Lesa aleleela nookupususha boonse abacetekela Yesu – abacetekela ati imfwa yakwe eeyatulipilila imembu shesu (Yoani 3:16; Roma 5:1; Roma 8:1).
Ili eelandwe ilyabupusushi! Nga naucetekela Yesu Kristu ukuba Umupusushi oobe, ninshi nabakupususha! Naabakweleela imembu shobe shoonse, elyo Lesa aalilaya ati taakakushe, nangu ukukulekelesha (Roma 8:38-39; Mateo 28:20). Waalinga ukwishiba ati ubupusushi bwalilimba muli Yesu Kristu (Yoani 10:28-29). Nga ulecetekela Yesufye eka ukuba Umupusushi oobe, wakulapama ati ukaba naLesa mumulu umuyayaya.
2. Fwaya ulukuta ulufunda ifya muli Baibele.
Witontonkanya ati ulukuta chikuulwa. Ulukuta bantu. Chaaliba icikankala ati abaasumina Yesu Kristu baalinga ukulaikala pamo mubwananyina. Eecakwambilapo mulukuta. Nomba ifi wacetekela Yesu Kristu, tuleekukoselesha saana ati ufwaye ulukuta kuncende wikala, ulwacetekela ifya muli Baibele, pakuti ulande nakacema walukuta lwiine. Umwebe ifyo ucetekeele Yesu Kristu icipya.
Icabubili ico ulukuta lwabelako, kufuunda ifya muli Baibele. Kuti wafundwa ifyakucita mubwikalo boobe fintu Baibele yalaanda. Ifyamuli Baibele ukukulondolokela, eemfungulo yakuba umwina-Kristu wamaka. 2 Timothy 3:16-17 yalaanda ati, “Amalembo Yamushilo yonse yena mashiwi yakwa Lesa. Kanshi kuti wayabomfya pakufunda pa cishinka, pakwebaula abaluba, pakwaluluka abali mu filubo, na pakufunda ifyo abantu bali nokuba abakaele pa cinso cakwa Lesa. Eico kanshi Amalembo Yamushilo yalafwa umuntu wakwa Lesa ukuti akwate fyonse ifyo alekabila pakuti akwate amaka yakubomba umulimo usuma uwa musango onse.”
Icabutatu ico ulukuya lwabelako, kusefya. Ukusefya eekutotela Lesa pali fyoonse ifyo aacita! Lesa aalitupususha. Lesa aalitutemwa. Lesa alatupeela ifyo twalinga ukukwata. Lesa alatutungulula nookutulanga ukwakuya. Bushe kuti twakana shaani ukumutotela? Lesa aaba uwamushilo, uwabololoke, uwachitemwiko, uwaluse, neecikuuku icapwililika. Ubusokololo 4:11 bushimika ati, “We Mfumu yesu kabili we Lesa wesu! Iwe walilinga ukukulumbanya no kukucindika kabili walilinga no kuba na maka. Pantu niwe wabumbile ifintu fyonse. Ni ku kufwayafye kobe eco ifintu fyonse fyabumbilwa
no kuba eco fyabelako.”
3. Sunga inshita chila bushiku iyakulosha pali Lesa.
Caaliba icikankala ifwe ukukwata inshita cila bushiku iyaakulosha pali Lesa. Abantu bamo beta iyi nshita ati “inshita yakuikutika.” Bambi baiita ati “ukuipeela,” pantu eenshita iyakuipeela fwebeene kuli Lesa. Bamo basala ukukwata iyi nshita akaceelo, elo bambi basala icungulo. Tacili mulandu ifyo wingeeta iyi nshita, nangula inshita iyo wingasala. Icikankalapo kulaaba neenshita naLesa. Bushe nifinshi tucita pansita iyo twalinga ukuba naLesa?
(a) Ukupepa. Ukupepa eekulanda naLesa. Landa naLesa pali ifilekusakamika napamaafya yoobe. Lomba Lesa akupeele amaano nookukutungulula. Eba Lesa fintu wamutemwa neefyo umutasha pali fyoonse ifyo aakucitila. Eemwalola ukupepa.
(b) Ukubelenga Baibele. Ukulunda pakufundwa ifyamuli Baibele mulukuta, nangula kwiSukulu lyapaSondo, nangula panshita yakwafwana ukusambilila ifyamuli Baibele – iwe walinga ukulaabelenga Baibele paloobe. Muli Baibele mwaliba fyoonse ifyo wingafwaya ukwishiba pakutila wingekala mubwina Kristu bwino. Mwaaba ukutungulula kwakwe Lesa pakuti wingeshiba ifyakucita mumaano, ukwishiba ifyo Lesa afwaya, neefyakuboombela bambi, neefyakukula mumupashi. Baibele eeShiwi lyakwe Lesa kuli ifwe. Baibele yaaba nga icitabo apashintilila ifyo Lesa atweba ati tuleecita mubwikalo bwesu ubwakumusansamusha, elyo naifwe tube abasansamuka.
4. Panga bucibusa naabantu abenga kwafwilishako kufyamumupashi.
1 Korinti 15:33 itweba ati, “Ala mwilabepwa. ‘Ukwampana na bantu babi, konaula ne mibeele ya bantu basuma.’” Baibele yaalisula namashiwi ayakusoka ifyo abantu “ababi” bengakulenga ucite ifibi. Ukwikala inshita iitali nabantu abacita ifibi, kuti calenga naifwe tutunkwe mumicitile iine. Imibeele yabantu twingaba nabo, kuti yaaba yesu. Eico cabeela icikankala ukukwata abanensu abatemwa Imfumu nookuitula kuli wene.
Esha ukusangako cibusa umo nangula babili, limbi mulukuta lwiine waaba, abenga kwafwilishako nookukukoselesha (Bahibulu 3:13; 10:24). Eba abanoobe beene balekwibukisha ifyanshita yoobe iyakuikutika, neefyo ucita, neefyabwikalo boobe naLesa. Bepushe nga kuti wacita cimo ciine pali beena. Pakucitefi, tekweba ati chapwa waleka abanoobe abashaishiba Imfumu Yesu Kristu ukuba Umupusushi waabo. Ulekonkanyapo ukuba umunaabo nookubatemwa. Bebekofye ati Yesu naalula ubwikalo boobe, elo teti ulecita ifintu fimo fine ifyo waleecita. Lomba Lesa akupeele apakwebelako abanoobe beene ifyakwe Yesu.
5. Ubatishiwe.
Abantu abengi ukubatisha tacabalondolokela. Ishiwi “ukubatisha” lyalondoloka ati “ukutumpika mumenshi.” Ukubatisha kulanga muli Baibele ati uleyeebelela kucintubwingi ati uli necicetekelo icipya muli Kristu, nookuitula kukuba umusambi wakwe. Palya balekutumpika mumenshi, eekweba ati balekushika pamo naKristu. Lilya uleefuma mumenshi, eekulanga fintu Kristu asangwike. Ukubatishiwa ekulanga ukwampana neemfwa yakwe Yesu, ukushikwa, nookusanguka (Roma 6:3-4).
Ukubatishiwa tekukupususha. Ukubatisha takusamfya imembu shoobe. Ukubatishiwa nintampulofye iyakunakila, nookubila kucintubwingi ifyo ukwete icicetekelo muli Kristufye eka ukuba Umupusushi oobe. Ukubatisha kwalicindama pantu eentampulo iyakunakila – ukulanda kucintubwingi ifyakucetekela Kristu nookuitula kuli wene. Nga nauipekanya ukubatishiwa, waalinga ukulanda nakacema walukuta.
English
Bushe namukwatako ameepusho?