Hèsin:
È Ná Mɔ gbɛ mavɔ mavɔ a?
Ɖò:
Biblu ɖɔ ali e kplá mɛ yi gbɛ mavɔmavɔ é bɔ é jɛ wě. Nukɔn tɔn, mǐ ɖó ná tuun ɖɔ mǐ hu hwɛ dó Mawu: “Đó gbɛtɔ́ lɛ́ɛ bǐ wɛ hu hwɛ bɔ susu e Mawu nɔ́ ná mɛ ɔ́, yě ɖó ɖě ɖ'é mɛ ǎ.” (Hlɔ̌manu lɛ́ɛ 3:23). Mǐ mɛ bǐ wɛ wa nǔ e ma nyɔ́ Mawu nukún mɛ ǎ é, bɔ énɛ́ wú ɔ, é sɔgbe ɖɔ Mawu ní dɔn tó nú mǐ. Ɖó Mawu wɛ mǐ nɔ hu hwɛ lɛ́ bǐ dó ɔ, tódɔnnúmɛ mavɔ mavɔ jɛn na sú axɔ́ ɔ. “Đó axɔ́ e hwɛhuhu nɔ sú mɛ ɔ́ wɛ nyí kú; amɔ̌ nǔ e Mawu nɔ ná mɛ vɔ̌nu ɔ́ wɛ nyí gbɛ mavɔ mavɔ e mǐ ɖó ɖo bǔ e mǐ ɖe xá Klísu Jezu Aklúnɔ mǐtɔn mɛ é.” (Hlɔ̌manu lɛ 6:23).
Amɔ̌, Jezu Klisu, mɛ e hwɛ ɖěbǔ ma ɖo kɔ ná ǎ é (1 Piyɛ́ɛ 2:22), Vǐsúnnu mavɔmavɔ Mawu tɔn ɔ́ wá húzú gbɛtɔ́ (Jaan 1:1,14) bo kú bó ná sú hwɛxɔ́ mǐtɔn lɛ́. “Amɔ̌, Mawu ɖe lě e é yí wǎn nú mǐ sɔ́ ɔ́ xlɛ́ mǐ, ɖó hwenu e mǐ kpo ɖo hwɛhutɔ́ nyí wɛ ɔ́ wɛ Klísu kú dó ta mǐtɔn mɛ” (Hlɔ̌manu lɛ́ɛ 5:8). Jezu klisu kú ɖo aklúzu jí (Jaan 19:31-42), bo ɖíɖá tódɔnúmɛ e mǐ jɛxá lɛ́ é (2 Kɔlɛ́ntinu lɛ 5:21). Azǎn atɔn gudó ɔ, é fɔ́n sín kú (1 Kɔlɛ́ntinu lɛ 15:1-4), bo dó ɖexlɛ́ ɖɔ émi ɖu ɖo hwɛhuhu kpó kú kpó jí. “Mi nú mǐ ná kpa susu nú Mawu Aklúnɔ mǐtɔn Jezu Klísu sín Tɔ́. Đo xomɛnyínyɔ́ ɖaxó e é ɖó ɔ́ mɛ ɔ́, é fɔ́n Jezu Klísu sín kú, bó dó ná gbɛ yaɖéyaɖé mǐ. Énɛ́ ɔ́ zɔ́n bɔ nukúnɖíɖó mǐtɔn ɔ́ nyí nukúnɖíɖó gbɛɖe” (1 Piyɛ́ɛ 1:3).
Gbɔn nǔɖiɖi gblamɛ ɔ, mǐ ɖó ná húzú linlin mǐtɔn dó Klisu wú- Mɛ e É nyí é, nǔ e É wa é kpó nǔ e zɔ́n bɔ É wa mɔ é kpó- bo hwlɛ́mǐ gán (Mɛsɛ́dó 3:19). Ényí mǐ ɖó nǔɖiɖi n'Í bo ganjɛ kú e é kú ɖo aklúzu jí bo sú hwɛxɔ́ mǐtɔn lɛ́ wú ɔ́, hwɛ mǐtɔn lɛ́ na nyí sísɔ́kɛ mǐ bɔ mǐ ná mɔ akpá gbɛ mavɔ mavɔ tɔn yí ɖo sɛ́xwé. “Đó Mawu yí wǎn nú gbɛtɔ́ sɔ mɔ̌, bó sɔ́ Vǐɖokpónɔ tɔn jó, bónú mɛ e ná ɖi nǔ n'i lɛ́ɛ ɖěbǔ ma dɔn ó; lo ɔ́, yě bǐ ní mɔ gbɛ mavɔ mavɔ. ” (Jaan 3:16). “Đó ényí a sɔ́ nu towe dó ɖɔ ná ɖo mɛ bǐ nukɔn ɖɔ Jezu wɛ nyí Aklúnɔ lobo ɖi nǔ ɖo ayi towe mɛ ɖɔ Mawu fɔ́n ɛ sín kú ɔ́, Mawu ná hwlɛ́n we gán.” (Hlɔ̌manu lɛ́ 10:9). Nǔɖidi kɛ́ɖɛ́ ɖiɖó ɖo azɔ̌ gǔdo tɔn e Klisu wa ɖo aklúzu jí é wɛ nyí ali nǔgbó ɖokpó géé e kplá mɛ yi mavɔ mavɔ é. “Đó xomɛnyínyɔ́ Mawu tɔn mɛ wɛ mi mɔ hwlɛngán ɖe, gbɔn nǔ e mi ɖi é gbla mɛ. É nyí mi ɖésúnɔ wɛ hwlɛ́n miɖée gán ǎ; nǔnámɛ Mawu tɔn wɛ. É nyí nǔ e mi wa lɛ́ɛ sín ajɔ wɛ ǎ; énɛ́ ɔ́, mɛ ɖěbǔ sixú yí go ná ǎ.” (Efɛ́zinu lɛ́ 2:8-9).
Ényí mǐ ba ná yí Jezu ɖi Mɛhwlɛ́ngántɔ́ mǐtɔn ɔ́, kpɔ́ndéwú sínnɖɛ ɖokpó ɖié. Ma wɔn ó, ɖɛ élɔ́ xixo alǒ ɖɛ ɖěvo ɖěbǔ xixo na hwlɛ́n we ǎ. Ɖɛ élɔ́ ɔ́, lěe a ná ɖexlɛ́ Mawu gbɔn ɖɔ émí ɖi nǔ n'Í bo dókú ɖó gbɛ mavɔ mavɔ sín ali e hun nú mǐ e w wɛ. “Mawu, un tuun ɖɔ un hu hwɛ dó we bo jɛ nú tódɔnnúmɛ. Amɔ̌ Jezu Klisu ɖíɖá tódɔnnúmɛ mǐtɔn e mǐ jɛxá é, énɛ́ wú gbɔn nǔɖiɖi e è ɖó n'Í é gblamɛ ɔ, è sixú sɔ́ hwɛ ce lɛ́ sɔ́ kɛ mi. Un ɖo gǎnjɛ́wú ɖɔ a ná hwlɛ́n mi gán. É ná cɛ nú we nú fɛ́nú towe kpó hwɛsɔ́kɛmɛ towe kpó - nǔníná gbɛ mavɔ mavɔ tɔn! Amíi!”
A ko sɔ́ gbeta ɖé nú Klisu ɖó nǔ e a xa ɖo fí é wú a? Ényí mɔ̌wɛ zǐn akpáxwé ɔ́ “Un yí Klísu égbé”. English
A ɖó nǔkanbyɔ́ ɖé a?