Hèsin:
È na mɔ hwɛsɔ́kɛ mɛ à? Nɛ̌ Mawu nɔ sɔ́ hwɛ kɛ mɛ gbɔn?
Ɖò:
Mɛsɛ́dó lɛ́ 13:38 ɖɔ, “Nɔví ce lɛ́ɛ mi, hǔn mi ɖó ná tunwun ɖɔ Jezu jí wɛ è jlǎ Wɛn Ɖagbe hwɛsɔ́kɛmɛ tɔn ɔ́ mi gbɔn.”
Étɛ́ ka nyí tínmɛ hwɛsɔ́kɛmɛ bɔ étɛ́wú un ka ɖó hudó tɔn?
Xókwín “hwɛsɔ́kɛ mɛ” sín tínmɛ wɛ nyí è ní súnsún nǔ e è wlǎn dó nǔɖé jí é síin bonú é ní mɛ́, è ní sɔ́ agɔ e mɛɖé jɛ ɔ sɔ́ kɛ ɛ, é ní sɔ́ axɔ mɛɖé ɖu e kɛ ɛ. Ényí mǐ hu hwɛ dó mɛɖé ɔ́, mǐ nɔ ba ɖɔ mɛ ɔ ní sɔ́kɛ mǐ. Hwɛsɔ́kɛmɛ. Ényí mɛɖé jɛxá hwɛsɔ́kɛmɛ wɛ zɔ́n bɔ è nɔ sɔ́ kɛ ɛ ǎ. Hwɛsɔ́kɛmɛ ɔ, xlɛ́ wǎnyíyí, nǔbláwǔkúnúmɛ kpó fɛ́nú kpó tɔn wɛ. Hwɛsɔ́kɛmɛ ɔ, gbeta wɛ nyí bɔ è sɔ́ bó má ná ɖó tagba ɖé xá mɛɖé ǎ, mɛ ɔ na bo tlɛ dó nǔɖěbǔ sin ɔ nɛ́.
Biblu ɖɔ nú mǐ ɖɔ mǐ mɛ bǐ wɛ ɖó hudo hwɛsɔ́kɛmɛ Mawu tɔn tɔn. Mǐ mɛ bǐ wɛ hu hwɛ. Nǔnywɛ́tɔ́xó 7:20, “Gbɛtɔ́ hwɛjijɔnɔ e nɔ wa ɖagbe bó ma nɔ hu hwɛ ǎ é ɖokpó géé tíin ɖo ayǐkúngban jí fí ǎ.” 1 Jaan 1:8 ɖɔ, “Ényí mǐ ɖɔ hwɛ ɖě kún ɖo kɔ nú mǐ ó hǔn, mǐɖée blɛ́ wɛ mǐ ɖe, bɔ nǔgbó ɔ́ ɖo mǐ mɛ ǎ.” Gǔfínfɔ́n dó Mawu jí wɛ hwɛhuhu mǐtɔn bǐ xwí nyí bɔ xó fó (Ɖɛhan 51:5). Énɛ́ wú ɔ, hwɛsɔ́kɛmɛ Mawu tɔn sín hudó jɛ́n mǐ ɖó. Ényí è sɔ́ hwɛ mǐtɔn lɛ́ kɛ mǐ ɔ, nǔ e hwɛhuhu mǐtɔn nɔ ji e wɛ nyí wǔvɛ́ mavɔ mavɔ (Matíe 25:46; Jaan 3:36).
Hwɛsɔ́kɛmɛ – Nɛ̌ è nɔ jɛ xá gbɔn?
Mǐ dókú ɖɔ Mawu ɔ, wǎnyíyínɔ kpó nǔbláwǔkúnúmɛtɔ́ kpó wɛ – Akpakpa nɔ sɔ́ ɛ dó hwɛ sísɔ́ kɛ mǐ wú mɛ nyaa! 2 Piyɛ́ɛ 3:9 ɖɔ nú mǐ ɖɔ “…É nɔ ɖó suúlu dó mi wú; ɖó é jló ɖɔ mɛ ɖěbǔ ní dɔn ǎ; é nyɔ́ wa ɔ́, é jló ɖɔ mɛ bǐ ní mɔ ali, bó lɛ́ kɔ sín nǔ nyanya wiwa gúdo.” Mawu jló na sɔ́ hwɛ sɔ́ kɛ mǐ, énɛ́ wú ɔ, É sɔ́ nǔ ɖ'ayǐ nǔ e jí é na zɔn dó bo sɔ́ hwɛ kɛ mǐ é.
Kú wɛ nyí axɔ e mǐ na sú dó hwɛ mǐtɔn lɛ́tɛnmɛ é. Akpáxwé nukɔntɔn Hlɔ̌manu lɛ́ 6:23 tɔn ɖɔ, “Đó axɔ́ e hwɛhuhu nɔ sú mɛ ɔ́ wɛ nyí kú…” Kú mavɔ mavɔ wɛ nyí le e mǐ nɔ ɖu nú hwɛhuhu mǐtɔn lɛ́ é. Mawu ɖo tito kpíkpé tɔn mɛ ɔ, wá húzú gbɛtɔ́– Jezu Klisu (Jaan 1:1,14). Jezu Klisu wá kú dó aklúzu jí bi bɛ́ axɔ́ e mǐ jɛ na lɛ́ yi – kú. 2 Kɔlɛ́ntinu lɛ 5:21 kplɔ́n mǐ ɖɔ, “Klísu hu hwɛ ɖě kpɔ́n gbeɖé ǎ; amɔ̌ Mawu ɖíɖá ɛ hwɛ mǐtɔn lɛ́ɛ, bónú ɖo bǔ e mǐ ɖe xá Klísu ɔ́ mɛ ɔ́, mǐ ná sixú ɖu azɔ̌ e gbla mɛ Mawu sɔ́ mǐ dó húzú hwɛjijɔnɔ ná ɖo nukɔn tɔn ɔ́ sín le.” Jezu kú dó aklúzu jí bo sɔ́ tódɔnnúmɛ e mǐ jɛ ná é yì mɛ! Kú Jezu e nyí Mawu e tɔn wɛ hun hwɛsɔ́kɛmɛ sín ali nú gbɛ bǐ. 1 Jaan 2:2 ɖɔ, “É wɛ sɔ́ éɖée dó sá vɔ̌ ná, bónú Mawu ná sɔ́ hwɛ mǐtɔn lɛ́ɛ kɛ mǐ.” É ká nyí hwɛ mǐdɛɛ lɛ́ɛ tɔn kɛ́ɖɛ́ wɛ Mawu ná sɔ́ kɛ mǐ ǎ; é ná lɛ́ sɔ́ gbɛtɔ́ bǐ sín hwɛ kɛ yě. Jezu fɔ́n sín kú jlá ɖu e É ɖu ɖo kú jí é (1 Kɔlɛ́ntinu lɛ́ 15:1-28). Susu nú Mawu, ɖó gbɔn kú kpó fínfɔ́n sín kú Jezu tɔn kpó gblamɛ ɔ, akpáxwé wegɔ ɔ́ Hlɔ̌manu lɛ́ 6:23 nyí nǔgbó “…amɔ̌ nǔ e Mawu nɔ ná mɛ vɔ̌nu ɔ́ wɛ nyí gbɛ mavɔ mavɔ e mǐ ɖó ɖo bǔ e mǐ ɖe xá Klísu Jezu Aklúnɔ mǐtɔn mɛ é.”
A ba ɖɔ hwɛ towe lɛ́ nì nyí sísɔ́ kɛbwe a? É ka nɔ cí we ɖɔ hwɛ e a hu bɔ yě ɖo ya dó nú we wɛ lɛ́ ɔ́, émí kún sixú ɖe kɔ sín mɛ ó wɛ a? Hwɛ towe lɛ́ sixú nyí sísɔ́kɛ we ényí a ɖi nǔ nú Jezu Mɛhlɛngántɔ́ towe ɔ nɛ́. Efɛ́zinu lɛ́ 1:7 ɖɔ, “Đó Mawu ɖe mǐ sín nǔ nyanya mɛ, bó sɔ́ hwɛ mǐtɔn lɛ́ɛ kɛ mǐ gbɔn Jezu Klísu sín hun gbla mɛa. Lě e é ɖe xomɛnyínyɔ́ tɔn maɖójlɛ̌ ɔ́ xlɛ́ mǐ gbɔn é nɛ́.” Jezu sú axɔ́ e mǐ ɖu ɔ nú mǐ, énɛ́ wú ɔ́, hwɛ mǐtɔn sixú nyí sísɔkɛ mǐ. Nǔ e a ɖó ná wa e wɛ nyí ɖɔ a ní byɔ́ Mawu ɖɔ É ní sɔ́hwɛ sɔ́ kɛ émí gbɔn Jezu jí – bɔ É ka ná sɔ́ hwɛ kɛ ye mɛ nya! Jaan 3:16-17 “Đó Mawu yí wǎn nú gbɛtɔ́ sɔ mɔ̌, bó sɔ́ Vǐɖokpónɔ tɔn jó, bónú mɛ e ná ɖi nǔ n'i lɛ́ɛ ɖěbǔ ma dɔn ó; lo ɔ́, yě bǐ ní mɔ gbɛ mavɔ mavɔ. Mawu sɛ́ Vǐ tɔn dó gbɛ ɔ́ mɛ, bónú é ná wá ɖó hwɛ nú gbɛtɔ́ lɛ́ɛ ǎ; lo ɔ́, é ná wá hwlɛ́n yě gán wútu wɛ.”
Hwɛsɔ́kɛmɛ - É ka bɔwǔ nǔgbo nǔgbo a?
Ɛɛn nǔ wɛ nyí bo bɔwǔ mɛ! Mawu ɖu hwɛsɔ́kɛmɛ xɔ́ dó mǐ ǎ. Mǐ ka sixú xɔ hwɛsɔ́kɛmɛ ɖo Mawu gɔ́n ǎ? Na jɛ́n è sixú na mǐ, gbɔn nǔɖiɖi gblamɛ, gbɔn fɛ́nú kpó nǔbláwǔkúnúmɛ gblamɛ. Enyí a ba ná yigbe nú Jezu Klisu ɖi Mɛhwlɛ́ngántɔ́towe, bo mɔ hwɛsɔ́kɛmɛ Mawu tɔn ɔ, Dɛ e a sixú xo e ɖíe. Ɖɛ élɔ́ xixo alǒ ɖɛ ɖěvo ɖěbǔ xixo na hwlɛ́n we ǎ. Jiɖiɖe dó Jezu Klisu wú kɛ́ɖɛ́ wɛ na zɔ́n bɔ è na sɔ́ hwɛ kɛ we. “Mawu, un tuun ɖɔ un hu hwɛ dó we bo jɛ nú tódɔnnúmɛ. Amɔ̌ Jezu Klisu ɖíɖá tódɔnnúmɛ mǐtɔn e mǐ jɛxá é, énɛ́ wú gbɔn nǔɖiɖi e è ɖó n'Í é gblamɛ ɔ, è sixú sɔ́ hwɛ ce lɛ́ sɔ́ kɛ mi. Un ɖo gǎnjɛ́wú ɖɔ a ná hwlɛ́n mi gán. É ná cɛ nú we nú fɛ́nú towe kpó hwɛsɔ́kɛmɛ towe kpó - nǔníná gbɛ mavɔ mavɔ tɔn! Amíi!”
A ko sɔ́ gbeta ɖé nú Klisu ɖó nǔ e a xa ɖo fí é wú a? Ényí mɔ̌wɛ zǐn akpáxwé ɔ́ “Un yí Klísu égbé”. English
A ɖó nǔkanbyɔ́ ɖé a?