Hèsin:
Étɛ́ ka nyí tínmɛ Klisánwun tɔn?
Ɖò:
Tínmɛ e xókwíntínmɛwegbó ɖé ná dó Klisánwun wú é na sɔgbe xá “mɛ e nɔ ɖe nǔɖiɖi xlɛ́ ɖo Jezu mɛ ɖɔ É nyí Klisu ɔ́ é, alǒ ɖo sinsɛn e sɔ́ jínjɔ́n nǔkplɔ́nmɛ Jezu tɔn jí é.” Tínmɛ e xókwíntínmɛwegbó gěgé bɛ́ niná e sɔgbe, amɔ̌ é ka sixú d'alɔ mɛ ɔ è na tuun nǔ e Klisánwun nyínyí nɔ byɔ́ é kpó nǔgbó Biblu tɔn lɛ́ kpó ǎ. Azɔn atɔn wɛ è zán xókwín Klisáwun ɖo Akɔjijɛ yɔ̌yɔ́ ɔ mɛb(Mɛsɛ́dó 11:26; 26:28; 1 Piyɛ́ɛ 4:16) Ahwanvú Klisu tɔn ɖěɖěe ɖo Antyɔ́ci lɛ́ é wɛ nyí mɛ nukɔntɔn e è ylɔ̌ ɖɔ Klisánwun lɛ é (Mɛsɛ́dó 11:26) ɖó jijɔ yětɔn lɛ́, nǔwiwa yětɔn lɛ́, kpó xó e yě nɔ ɖɔ kpó bǐ wɛ cí Klisu tɔn ɖɔhun. Xókwín “Klisánwun” ɔ tínmɛ tɔn blǔju ɔ wɛ nyí “mɛ e ɖo Klisu sín akpáxwé é” alǒ “mɛ e nɔ xwedó Klisu e.”
É bláwǔ ɖɔ ée hwenu wá ɖo yiyi wɛ ɔ́, tínmɛ e xókwín “Klisanwun” ɖó wá vɔ́da tawun bɔ hwɛhwɛ è nɔ zán nú mɛ e nyí sinsɛnnɔ, alǒ nǔ mɛ e ɖó walɔ ɖagbe bɔ nǔ bǐ vɔ ɖ'éwú lɛ́ bo ka sixú gɔn ahwanvú Jezu Klisu nǔgbó ma nyí. Mɛ ɖěɖěe ma ɖi nǔ nú Klisu bo ɖeji dó wǔtú tɔn ǎ lɛ́ nɔ mɔɖɔ émí nyí Klisánwun alǒ ɖó yě nɔ nɔ “Klisánwun” to ɖé mɛ. Amɔ̌ cɔ́ci yiyi, sɔhinhɛn mɛ ɖěɖěe ma ɖó nǔ káká sɔ mǐ ǎ é, alǒ gbɛtɔ́ ɖagbe nyínyí ko zɔ́n kpowun bɔ è nyí klisánwun ǎ. Mɔ̌jɛn cɔ́ci yiyi ma ko kpé bónú è na nyí klisánwun ǎ é nɛ́, cí nǔ ɖɔ è yi mɔtoglitɛn wɛ zɔ́n è nɔ nyí mɔ̌to ǎ. È nyí hǎgbɛ́ agun ɖe tɔn, agun ɖébjí yiyi hwɛhwɛ, alǒ mɛɖé sísɔ́ jó agun sín azɔ̌ lɛ́ ko zɔ́n bɔ mɛɖé nɔ nyí klisáwun ǎ.
Biblu kplɔ́n mɛ ɖɔ azɔ̌ ɖagbe e a wà lɛ́ sixú zɔ́n bɔ Mawu na kɛ alɔ bo yí we ǎ. Titu 3:5 ɖɔ, “é hwlɛ́n mǐ gán, é ka nyí ɖɔ mǐ wa nǔ jlɔ́jlɔ́ wútu wɛ é hwlɛ́n mǐ gán ǎ; lo ɔ́, nǔ mǐtɔn wɛ blá wǔ n'i. É hwlɛ́n mǐ gán, bó lɛ mǐ wé; mɛlɛwé énɛ́ ɔ́ mɛ wɛ Yɛsinsɛn nɔ ná lɛ̌vɔ́jɔ kpó gbɛ yɔ̌yɔ́ kpán mǐ ɖe.” Énɛ́ wú ɔ́, Klisánwun mɛ e Mawu vɔ́ ji é wɛ (Jaan 3:3; Jaan 3:7; 1 Piyɛ́ɛ 1:23), mɛ e ɖi nǔ nú Jezu Klisu wú bo ɖeji dó wǔ tɔn é wɛ. Efɛ́zinu lɛ 2:8 ɖɔ nú mǐ ɖɔ is “…xomɛnyínyɔ́ Mawu tɔn mɛ wɛ mi mɔ hwlɛngán ɖe, gbɔn nǔ e mi ɖi é gbla mɛ. É nyí mi ɖésúnɔ wɛ hwlɛ́n miɖée gán ǎ; nǔnámɛ Mawu tɔn wɛ.”
Klisánwun nǔgbó, mɛ e ɖó nǔɖiɖi bo ɖeji dó mɛ e Jezu nyí kpó azɔ̌ e É wa é kpó wú wɛ, kákájɛ kú e É kú ɖo aklúzu jí bo sú hwɛxɔ́ mǐtɔn kpó fɔ́n e É fɔ́n sín kú azǎn atɔn gɔ́ ɔ gbe é. Jaan 1:12 ɖɔ nú mǐ ɖɔ, “Nǔ ɖo mɔ̌ có mɛɖé lɛ́ɛ ka yí i, bó ɖi nǔ n'i. É ná acɛ mɛ énɛ́ lɛ́ɛ, nú yě ná húzú Mawu ví.” Nǔ e nɔ dó tunwun Klisáwun nǔgbó ná é wɛ nyí wǎnyíyí núbgbɛtɔ́ lɛ́ kpó tónúsise nú Xó Mawu tɔn (1 Jaan 2:4, 10). Klisánwun nǔgbó ɔ́ Mawu-ví wɛ n'í, bo ɖo xwédo nǔgbó Mawu tɔn mɛ, mɛ e é na gbɛbyɔ̌yɔ́ ɖo Jezu Klísu mɛ.
English
A ɖó nǔkanbyɔ́ ɖé a?