Hèsin:
È ní yí Jezu ɖi Mɛhwlɛngántɔ́ mɛtɔn ɔ̀, étɛ́ ka nyí tínmɛ tɔn?
Ɖò:
A ka o yí Jezu ɖi Mɛhwlɛngántɔ́ towe a? Nú mǐ na mɔ nukúnnú nǔkanbyɔ́ élɔ́ mɛ ganjí ɔ, mǐ ɖó má mɔ nukúnnú jɛ xóta élɛ́ mɛ hwɛ̌, uě wɛ nyí: “Jezu Klisu,” “ce,” and “Mɛhwlɛngántɔ́.”
Mɛ ka nyí Jezu Klisu? Mɛ gěgé na yigbe ɖɔ Jezu ɔ, nya ɖagbe ɖé wɛ, nǔkplɔ́nmɛtɔ́ ɖaxó, alǒ gbeyiɖɔ Mawu tɔn ɖé. Xójɔxó wɛ nyí nǔ énɛ́ lɛ́ è ɖɔ dó Jezu wú é, amɔ̌yě ka ɖɔ mɛ e Jezu nyí nǔgbó nǔgbó é ǎ. Biblu ɖɔ nú mǐ ɖɔ Jezu ɔ Mawu e sɔ́ gbɛtɔ́ gbaza dó é wɛ, Mawu é ɖó gbɛtɔ́ sín wunmɛ é wɛ (Kpɔ́n Jaan 1:1, 14). Mawu wá ayikúnban jí bó na kplɔ́n nǔ mǐ, gbɔ azɔn nú mǐ, gbɛ́ nǔ nú mǐ bonsɔ́ hwɛ kɛ mǐ—lobo kú dó ta mǐtɔn mɛ! Jezu Klisu nyí Mawu, gbɛɖótɔ́, Aklúnɔ nǔbǐwúkpétɔ́. Jezu alɔkpa énɛ́ ɔ wɛ a yígbe ná ǎ?
Etɛ́ ka nyí Mɛhwlɛngántɔ́ sín tínmɛ, bɔnétɛ́wú mǐ ɖó hudó Mɛhwlɛngántɔ́ ɖé tɔn? Biblu ɖɔ nú mǐ ɖɔ mǐ mɛ bǐ wɛ hu hwɛ; mǐ mɛ bǐ wɛ wa nǔ nyanya lɛ́ (Hlɔ̌manu lɛ́ 3:10-18). Hwɛhuhu mǐtɔn zɔ́n bɔ mǐ jɛ nú xomɛsin kpó hwɛdídá Mawu tɔn kpó. Tódɔnnúmɛ ɖokpó géé e sɔgbe xá hwɛ e mǐ hu dó Mawu e mavɔmavɔ e ma ɖó dógbó ǎ é wɛ nyí tódɔnnúmɛ maɖó dógbó (Hlɔ̌manu lɛ́ 6:23; Nǔɖexlɛ́mɛ 20:11-15) Nǔ e wú mǐ ɖó hudó Mɛhwlɛngántɔ́ ɖé tɔn é nɛ́!
Jezu Klisu wá ayǐkúngbanjí bo kú dó tɛn mǐtɔn mɛ. Kú Klisu tɔn ɔ axɔ́ maɖó dógbó wɛ bɔ è sú dó hwɛ mǐtɔn lɛ́ tamɛ (2 Kɔlɛ́ntinu lɛ́ 5:21). Jezu kú bo sú hwɛxɔ́ mǐtɔn lɛ́ (Hlɔ̌manu lɛ́ 5:8). Jezu sú axɔ́ ɔ bónú mǐ ma sɔ́ sú ó. Fɔ́n e Jezu ɔ́n sín kú e xlɛ́ ɖɔ Kú tɔn ko kpé bo sú hwɛxɔ́ mǐtɔn lɛ́. Énɛ́ wú Jezu wɛ nyí mɛ ɔ, mɛ ɖokpó ée géé e nyí Mɛhwlɛngántɔ́ mǐtɔn e (Jaan 14:6; Mɛsɛ́dó 4:12)! A ka nɔ ɖeji dó Jezu wú ɖi Mɛhlɛngántɔ́ towea?
Jezu ka nyí Mɛhwlɛngántɔ́ “towe” a? Nú mɛ gěgé ɔ Klisáwun nyínyí cɔ́ci yiyi, vɔ̌ sísá kpó alǒ hinhɔn nú hwɛhuhu kpó nyí. Nǔ e Klisánwun nyínyí kpo ná énɛ́ ǎ. Klisánwun nyínyí nǔgbó ɔ́ nɔ byɔ́ ɖɔ mɛ ɖokpó ɖokpó ní ɖó kancícá mɛɖéesúnɔ tɔn xá Jezu. Jezu yíyí ɖi Mɛhwlɛngántɔ́ mɛtɔn ɔ, sín tínmɛ wɛ nyí ɖɔ mɛɖéesú ní ɖi nǔ n'í bo ɖeji dó wǔ Tɔn. Nǔɖiɖi mɛɖé tɔn nɔ hlwɛ́n mɛɖěvo gán ǎ. È nɔ sɔ́ hwɛ kɛ mɛɖěbǔ ɖó nǔwiwa ɖé lɛ́ wú ǎ. Ali ɖokpó géé e nu è sixú hwlɛ́n mɛ́ɖé gán ɖe é wɛ nyí ɖɔ mɛ ɖokpó ɖokpó ní yí Jezu ɖi Mɛhwlɛ́ngántɔ́ tɔn, bo ɖeji dó kú Tɔn ée sú hwɛxɔ́ mǐtɔn lɛ́ kpó fɔ́n sín kú tɔn ée nyí gǎnjɛ́wú gbɛ mavɔmavɔ tɔn towe wú (Jaan 3:16). Jezu ka nyí mɛwlɛngántɔ́ towe a?
Ényí a ba ná yí Jezu Klisu ɖi Mɛhlɛngántɔ́ towe ɔ́, ɖo xó e bɔdéwú lɛ́ nú Mawu. Ma wɔn ó, ɖɛ élɔ́ alǒ ɖɛ ɖěvo ɖěbǔ xixo na hwlɛ́n we gán ǎ. Nǔɖiɖi ɖíɖó nú Jezu kpó nú azɔ̌ e é wa dó ta towe mɛ ɖo aklúzu jí é kɛ́ɖɛ́ jɛ́n sixú hwlɛ́n we sín hwɛ towe lɛ́ mɛ. Ɖɛ élɔ́ ɔ́, lěe a ná ɖe nǔɖiɖi e a ɖó n'Í xlɛ́ bo dó kú n'Í gbɔn é wɛ. “Mawu, un tuun ɖɔ un hu hwɛ dó we bo jɛ nú tódɔnnúmɛ. Amɔ̌ Jezu Klisu ɖíɖá tódɔnnúmɛ mǐtɔn e mǐ jɛxá é, énɛ́ wú gbɔn nǔɖiɖi e è ɖó n'Í é gblamɛ ɔ, è sixú sɔ́ hwɛ ce lɛ́ sɔ́ kɛ mi. Un ɖo gǎnjɛ́wú ɖɔ a ná hwlɛ́n mi gán. É ná cɛ nú we nú fɛ́nú towe kpó hwɛsɔ́kɛmɛ towe kpó - nǔníná gbɛ mavɔ mavɔ tɔn! Amíi!”
A ko sɔ́ gbeta ɖé nú Klisu ɖó nǔ e a xa ɖo fí é wú a? Ényí mɔ̌wɛ zǐn akpáxwé ɔ́ “Un yí Klísu égbé”. English
A ɖó nǔkanbyɔ́ ɖé a?