Hèsin:
Ali tɛ́ wɛ nɔ kplá mɛ yi gbɛ mavɔ mavɔ?
Ɖò:
Xovɛ́ ɖo sinsin we wɛ a? Ényí xovɛ́ e nɔ sin mɛ ɖo agbaza lixo é wɛ ǎ, amɔ̌ nǔɖé tɛ́ sín xovɛ́ wɛ nɔ sin we tawun ɖo gbɛ ɔ́ mɛ a? Nǔé ɖo hwiɖesúnɔ mɛ ɖo gɔngɔn towe mɛ bɔ é cí ɖɔ nǔ ɖěbǔ kún nɔ kpé é gbéɖé ó a? Ényí mɔ̌ wɛ ɔ, Jezu e nyí ali ɔ! Jezu ɖɔ', “Nyɛ wɛ nyí nǔɖuɖu e nɔ ná gbɛ jɔ gbɛ mɛ é. Mɛ e wá gɔ̌n ce ɔ́, xovɛ́ sɔ́ ná sin i gbeɖé ǎ. Mɛ e ka ɖi nǔ nú mì ɔ́, kɔ sɔ́ ná xú i gbeɖé ǎ.” (Jaan 6:35).
A dán ɖe wa gbɔn wɛ a? É ka nɔ cí nú we ɖɔ émí kún sixú mɔ ali ɔ alǒ gbɛ émítɔn kún sixú ɖó nu gbéɖé ó wɛ ǎ? É ka nɔ cí nú we ɖɔ mɛɖé cí myɔ lɛ́ bɔ a sɔ́ sixú kpéwú bo mɔ fí e a ná tá yě ɖe é ǎ wɛ a? Ényí mɔ̌ wɛ hǔn, Jezu wɛ nyí hwlɛngán ali ɔ́! Jezu jlá ɖɔ, “Nyɛ wɛ nyí wěziza gbɛ ɔ́ tɔn; mɛ e xwedó mì ɔ́ na gbɔn zǐnflú mɛ gbeɖé ǎ, lo ɔ́ é ná mɔ wěziza e nɔ ná gbɛ jɔ gbɛ mɛ é” (Jaan 8:12).
É ka nɔ cí nú we ɖɔ ali lɛ́ bǐ wɛ sú dó we a? Bɔ a ko tɛnkpɔ́n ba hun hɔn gěgé, bɔ nǔ e a nɔ wa mɔ ɖo gǔdo mɛ é wɛ nyí nǔ vɔ̌tɔ́, nǔ ma ɖó ta ɖé wɛ. A ka ɖo hɔn e nu a na gbɔn bɔ gbɛ towe ná ɖó nu e ba wɛ a? Ényí mɔ̌ wɛ hǔn, Jezu wɛ nyí gbɛ li ɔ́! Jezu ɖɔ “Nyɛ wɛ nyí hɔn ɔ́. Mɛ e ná gbɔn jǐ ce ɔ́, è nǎ hwlɛ́n ɛ gán; é ná nɔ́ yi, bó ná nɔ́ wá, bó ná nɔ́ mɔ nǔ ɖu” (Jaan 10:9).
Mɛ ɖěvo lɛ́ jó we dó wɛ a? Xɔ́ntɔn e a zun lɛ́ ɔ, xɔ́ntɔn nukún ta tɔn alǒ vɔ̌tɔ́ lɛ́ wɛ nú yě a? É ka cí nú we ɖɔ nǔ ɖo así towe lɛ́ kɛ́ɖɛ́ jɛ́n mɛ lɛ́ nɔ ba a? Ényí mɔ̌ wɛ hǔn, Jezu wɛ nyí ali ɔ́! Jezu ɖɔ, “Nyɛ wɛ nyí lɛ̌ngbɔ́nyitɔ́ ɖagbe ɔ́, lɛ̌ngbɔ́nyitɔ́ ɖagbe ɔ́ nɔ́ sɔ́ gbɛ tɔn dó sá vɔ̌ dó lɛ̌ngbɔ́ tɔn lɛ́ɛ tamɛ. Nyɛ wɛ nyí lɛ̌ngbɔ́nyitɔ́ ɖagbe ɔ́ … un tunwun lɛ̌ngbɔ́ ce lɛ́ɛ, bɔ yě lɔ tunwun mì” (Jaan 10:11, 14).
A ka nɔ kanbyɔ́ hwiɖée ɖɔ étɛ́ ka nɔ jɛ ɖo gbɛ élɔ́ gúdó a jí a? Gbɛ ninɔ nú nǔ e nɔ gblé bo jɛ ko lɛ́ é sín nǔ nɔ cikɔ nú we wɛ a? A ka nɔ xo nǔ kpɔ́n ɖɔ gbɛ ɔ́ ka ɖó nu a jí a? A ka ba ná nɔgbɛ ɖo kú gúdo a? Ényí mɔ̌ wɛ ɔ́, Jezu wɛ nyí hwlɛngán li ɔ́! Jezu ɖɔ, “Nyɛ wɛ nyí fínfɔ́n sín kú, bo lɛ́ nyí gbɛ; mɛ ɖěbǔ ɖi nǔ nú mì ɔ́, é ná bo kú ɔ́, é ná nɔ gbɛ. Mɛ e ka ɖo gbɛ bo ɖi nǔ nú mì ɔ́ ná kú gbeɖé ǎ” (Jaan 11:25–26).
Étɛ́ ka nyí ali ɔ́? Étɛ́ ka nyí nǔgbó ɔ? Étɛ́ ka nyí gbɛ ɔ́? Jezu gblɔ́n bo ɖɔ, “Nyɛ wɛ nyí ali ɔ́, bó nyí nǔgbó ɔ́, bó ka lɛ́ nyí gbɛ ɔ́. Mɛɖěbǔ sixú yi Tɔ́ ɔ́ gɔ́n nyɛ mɛ vo ǎ” (Jaan 14:6).
Xovɛ́ e ɖo sinsin we wɛ ɔ́, xovɛ́ gbigbɔ mɛ tɔn wɛ, Jezu kɛ́ɖɛ́ jɛ́n sixú sú do tɔn. Jezu kɛ́ɖɛ́ wɛ nyí mɛ sixú ɖe zinflú sín e. Jezu wɛ nyí ali gbɛ mavɔ mavɔ e ɖó nu e tɔn. Jezu wɛ nyí xɔ́ntɔn kpó lɛ̌ngbɔ́nyitɔ kpó e a ɖo biba wɛ é. Jezu wɛ nyí gbɛ ɔ́—ɖo gbɛ élɔ́ kpó ée ja e kpó mɛ. Jezu wɛ nyí hwlɛngán li ɔ́!
Nǔ e wú xovɛ́ ɖo sinsin we wɛ é, nǔ e wú é cí nú we ɖɔ a bú bo ɖo zínflú mɛ é, nǔ e wú gbɛ towe ma ɖo nu ǎ é, wɛ nyí ɖɔ a klán xá Mawu. Biblu ɖɔ mǐ mɛ bǐ wɛ hu hwɛ bɔ é sín énɛ́ wú ɔ́ mǐ jɛ zɔ nú Mawu (Nǔnywɛ́tɔ́xó 7:20; Hlɔ̌manu lɛ́ 3:23) Nǔ e a mɔɖɔ é hwe dó émí ɖo ayi mɛ ɔ, Mawu e ma ɖo gbɛ towe mɛ ǎ é wɛ. Mawu dá we bónú a na ɖó kancicá ɖé xá ɛ. Hwɛhuhu towe zɔ́n bɔ a jɛ zɔ nú kancícá énɛ́. Nǔ e lɛ́ nylá ɖ'émɛ wɛ nyí ɖɔ, hwɛhuhu towe na zɔ́n bɔ a ná jɛ zɔ nú Mawu káká sɔ́yi mavɔ mavɔ, ɖo gbɛ élɔ́ kpó ée ja e kpó mɛ (Hlɔ̌manu lɛ́ 6:23; Jaan 3:36).
Nɛ̌ mǐ ka sixú ɖeɖɛ tagba énɛ́ gbɔn? Jezu wɛ nyí hwlɛngán li ɔ́! Jezu ɖíɖá hwɛ mǐtɔn lɛ́ (2 Kɔlɛ́ntinu lɛ́ 5:21). Jezu kú dó tɛn towe mɛ (Hlɔ̌manu lɛ́ 5:8) bɔ sɔ́ tódɔnnúmɛ e ɖo te kpɔ́n mǐ ɔ́ yi. Azǎn atɔn gúdó ɔ, É fɔ́n sín kú bo xlɛ́ ɖɔ Émí ɖu ɖo hwɛhuhu kpó kú kpó jí (Hlɔ̌manu lɛ́ 6:4–5). Étɛ́wú É ka wa mɔ̌? Jezu ɖésúnɔ na xósin ɔ bo ɖɔ, “Wǎn yíyí nú mɛ ɖě sɔ́ hú è sɔ́ gbɛ mɛɖée tɔn dó sá vɔ̌ dó xɔ́ntɔn mɛtɔn lɛ́ɛ tamɛ ǎ” (Jaan 15:13). Jezu kú bónú mǐ dó sixú nɔ gbɛ. Ényí a sɔ́ nǔɖiɖi towe jínjɔ́n Jezu jí, bo ɖeji ɖɔ kú tɔn É sɔ́ dó sú hwɛxɔ́ mǐtɔn lɛ́ ná ɔ́, è na sɔ́ hwɛ towe lɛ́ bǐ kɛ we bo súnsún yě sín. Énɛ́ ɔ, xovɛ́ e ɖo wɛ ɔ́ na gbɔ. Myɔ towe lɛ́ na tá. Gbɛ e na jɛ mɛ nú we e sín ali na hun nú we. A na tuun xɔ́ntɔn kpó lɛ̌ngbɔ́nyitɔ́ kpó towe ɖagbe húgǎn ɔ́. A ná mɔɖɔ émí ná mɔ gbɛ ɖo kú gúdó—fínfɔ́nsínkú ɖo sɛ́xwé sɔ́yi mavɔ mavɔ ɖo kpɔ́ xá Jezu!
“Đó Mawu yí wǎn nú gbɛtɔ́ sɔ mɔ̌, bó sɔ́ Vǐɖokpónɔ tɔn jó, bónú mɛ e ná ɖi nǔ n'i lɛ́ɛ ɖěbǔ ma dɔn ó; lo ɔ́, yě bǐ ní mɔ gbɛ mavɔ mavɔ.” (Jaan 3:16).
A ko sɔ́ gbeta ɖé nú Klisu ɖó nǔ e a xa ɖo fí é wú a? Ényí mɔ̌wɛ zǐn akpáxwé ɔ́ “Un yí Klísu égbé”. English
A ɖó nǔkanbyɔ́ ɖé a?