Soal:
Bisi Idup Belama ia?
Jawapan:
Bup Kudus mandangka jalai ti terang ngagai pengidup belama ia. Keterubah, kitai mesti deka nemu kitai tu udah bedosa ngelaban Tuhan: “laban semua bela udah bedosa magang lalu jauh ari mulia Allah Taala”. (Rome 3:23) Kitai udah ngereja utai ti enda ngerinduka Tuhan, ti meri kitai sepatut ia nerima ukum. Ketegal dosa-dosa kita nya ngelaban Tuhan ti belama ia, semina ukum belama ia cukup. “Laban upah dosa nya pemati, tang pemeri ti diberi Allah Taala pechuma nya pengidup ti meruan belama iya dalam Jesus Kristus Tuhan kitai.” (Rome 6:23)
Taja pia, Jesus Kristus, ti nadai bedosa (1 Peter 2:22), Anak Tuhan ti kekal belama ia nyadi mensia (John 1:1, 14) lalu mati kena mayar ukum kitai. “Tang Allah Taala udah ngayanka pengerindu Iya ke kitai, iya nya lebuh kitai agi nyadi orang ke bedosa, Kristus mati ngarika kitai!” (Rome 5:8). Jesus Kristus mati ba kayu rehadng (John 19:31-42), ngambi ukum ti sepatut diterima kita (2 Korint 5:21). Tiga ari udah nya Iya angkat ari pemati (1 Korint 15:1-4), ngayanka pemenang Iya atas dosa enggau pemati. “Pujika Allah Taala ti Apai Jesus Kristus Tuhan kitai! Ulih pengasih Iya ti besai, Iya udah meri kitai pengada ti baru ngagai pengadang ti idup ulih pengangkat Jesus Kristus ari mati.” (1 Peter 1:3)
Ulih pengarap, kitai mesti ngubah runding kita selentang Kristus, sapa Iya, nama dikereja Iya, serta nama kebuah - ketegal pengelepas. (Kereja Rasul 3:19). Enti kitai ngengkah ka pengarap kitai ba Iya, arapka pemati Iya ba regang udah mayar dosa kitai, kitai deka diampun lalu nerima semaya idup ti meruan belama ia ba dalam serega. “Laban Allah Taala balat rinduka dunya, nya alai Iya meri Anak Tunggal Iya, ngambika genap iku orang ke arapka Iya enda mati tang bulih pengidup ti meruan belama iya.” (John 3:16). “laban enti kita ngaku ngena mulut kita Jesus nya Tuhan, lalu dalam ati kita arapka ‘Allah Taala’ udah ngangkatka Iya ari mati, kita deka diselamatka.” (Rome 10:9). Pengarap aja dalam pengawa ti udah ditembuka Kristus ba kayu regang semina jalai nuju ngagai idup ti meruan belama! “Laban kita udah diselamatka ulih pengasih, ketegal pengarap. Pengelepas nya ukai utai ti ulih kita ari pengawa kita; pengelepas nya pemeri Allah Taala, ukai datai ari pengawa ti dikereja kita, ngambika kita enda ulih temegahka nya.” (Epesus 2:8-9)
Enti nuan deka nerima Jesus Kristus nyadika penyelamat nuan, tu chunto sampi. Ingat, sebut sampi tu tauka sampi bukai enda nyelamatka nuan. Semina pechayaka Kristus ulih nyelamatka nuan ari dosa. Sampi tu chara nuan ulih ngayanka ngagai Tuhan pengarap nuan dalam Iya lalu beterima kasih ka Iya laban udah nyediaka pengelepas. “Tuhan, aku nemu aku udah bedosa ngelaban Nuan lalu aku patut nerima ukum. Tang Jesus Kristus udah ngambi ukum nya ti sepatut diterima aku awakka nengah pengarap dalam Iya aku ulih diampun. Aku ngengkah pengarap enggau pengelepas aku ba dalam Nuan. Terima kasih ketegal pemanah kasih karunia enggau pengampun Nuan - pemeri idup ti meruan belama ia! Amen!”
Udah nuan meri pemutus ngagai Kristus ketegal utai ti udah dibacha nuan ditu? Enti udah, tekan butang “Aku udah nerima Kristus” ba baruh ditu. English
Nuan bisi tanya?