Soal:
Bisi pengampun? Bakani aku nerima pengampun ari Tuhan?
Jawapan:
“Nya alai, menyadi, awakka semua kita nemu, ulih Jesus pesan pasal pengampun dosa dipadahka ngagai kita.” Kereja Rasul 13:38
Nama reti pengampun serta nama kebuah aku beguna ka ia?
Leka jaku “ampun” ianya meresi ka utai, minta ampun, ngemadu ka utang. Lebuh kitai besalah ngagai orang, kitai minta ampun awakka kaul ulih dipulaika baru. Pengampun ianya pengawa ti rindu, sinu, enggau kasih. Pengampun ianya pemutus awakka enda nyimpan utai ti ngelaban orang bukai, enda ngira nama ti udah dikereja sida ba nuan.
Bup Kudus madah, semua kitai beguna ka pengampun ari Tuhan. Kitai udah ngereja semua dosa. Bup Pengajar 7:20 “Nadai orang di dunya tu ti nadai kala ngereja utai ti salah.” 1 John 1:8 bejaku, “Enti kitai madahka diri nadai dosa, kitai nipu diri empu, lalu pemendar nadai dalam kitai.” “Aku udah bedosa ngelaban Nuan - ngelaban Nuan siku aja, lalu udah ngereja utai ti dikumbai Nuan jai. Nya alai Nuan endang sigi ngereja utai ti ngena lebuh Nuan ngakim aku. Nuan endang patut ngukum aku.” (Masmur 51:4). Nya kebuah, kitai bendar beguna pengampun ari Tuhan. Enti dosa kitai enda diampun, kita deka diau dalam pemedis ti belama ia laban ketegal dosa-dosa kitai (Matthew 25:46; John 3:36).
Pengampun - Bakani aku deka bulih nya?
Puji Tuhan, Tuhan cukup manah enggau penuh pengasih - Iya bebendar ngampun dosa-dosa kitai! 2 Peter 3:9 madahka kitai, “…Tuhan ukai lubah ngamatka semaya Iya, munyi ku sekeda orang, tang Iya sabar enggau kita, laban Iya enggai nejuka indah siku kita dirusak, tang semua nesal ati.” Tuhan inginka meri pengampun ngagai kitai, lalu Iya nyediaka kitai pengampunnya.
Semina ukum dosa-dosa kitai ianya pemati. Separuh ari bup Rome 6:23 madah, “Laban upah dosa nya pemati…” Pemati ti belama ia nya ti patut nyadi upah ka dosa-dosa kita. Tuhan, dalam pelan Iya ti sempurna, nyadi mensia - Tuhan Jesus Kristus (John 1:1, 14). Jesus mati ba kayu regang, ngambi ukum ti patut enggi kitai - pemati. 2 Korint ngajar kitai, “Ketegal kitai meh Allah Taala udah ngengkahka dosa kitai ba Iya ke enda bedosa, ngambika dalam Iya kitai digaga lurus di mua Allah Taala.” Jesus mati ba kayu regang, nerima ukum ti sepatut ia enggi kitai! Iya Tuhan, pemati Jesus nyediaka pengampun ngagai dosa-dosa ba seluruh dunya. 1 John 2:2 madah, “Ke nyadi piring kena muai dosa kitai, lalu ukai semina dosa kitai aja, tang mega dosa semua mensia.” Jesus angkat aro pemati, madahka pemenang Iya atas dosa enggau pemati (1 Korint 15:1-28). Puji Tuhan, nengah pemati enggau pengangkat Jesus Kristus, separuh ari bup Rome 6:23 nya amat, “…tang pemeri ti diberi Allah Taala pechuma nya pengidup ti meruan belama iya dalam Jesus Kristus Tuhan kitai.”
Nuan deka dosa nuan diampun? Nuan bisi asai ti besalah ti enda ulih dibuai? Pengampun dosa bisi disedia ngagai kitai enti nuan ngengkahka pengarap nuan dalam Tuhan Jesus Kristus nyadika Penyelamat nuan. Epesus 1:7 bejaku, “Dalam Iya kitai ditebus ulih darah Iya, iya nya dosa kitai diampun, nitihka pemesai pengasih Iya.” Jesus udah mayar utang kitai, nya kebuah kitai diampun. Nama patut dipinta nuan ianya semina minta pengampun ari Tuhan nengah Jesus, arapka Jesus mati mayar pengampun nuan - lalu Iya deka ngampunka nuan! John 3:16-17 ngembuan mesej ti pemadu manah, “Laban Allah Taala balat rinduka dunya, nya alai Iya meri Anak Tunggal Iya, ngambika genap iku orang ke arapka Iya enda mati tang bulih pengidup ti meruan belama iya. Laban Allah Taala ukai ngirumka Anak Iya ngagai dunya ngambika Iya ngakim dunya, tang ngambika Iya nyelamatka dunya.”
Pengampun - kati amai ngemudah nya?
Iya, nya mudah amat! Nuan enda ulih ngulihka pengampun ari Tuhan. Nuan enda ulih mayar pengampun ari Tuhan. Nuan semina ulih nerima iya, dalam pengarap, nengah pengasih Tuhan enggau penyinu Tuhan, Enti nuan deka nerima Jesus nyadika Penyelamat nuan enggau nerima pengampun ari Tuhan, tu sampi ti ulih disampika nuan. Sebut tu dalam sampi tauka sampi bukai ti enda ulih nyelamatka nuan. Ianya semina arapka Tuhan Jesus Kristus ulih nyediaka pengampun dosa-dosa nuan. Sampi tu ianya jalai mudah kena mandangka Tuhan pengarapa nuan dalam Iya lalu beterima ksih ngagai Iya laban udah nyediaka pengampun. “Tuhan, aku nemu aku udah bedosa ngelaban Nuan lalu aku patut nerima ukum. Tang Jesus Kristus udah ngambi ukum nya ti patut enggi aku awakka nengah pengarapa aku dalam Iya aku deka diampunka. Aku ngengkah pengarap aku dalam Nuan nyadika keselamatan aku. Terima kasih ka pemanah kasih karunia enggau pengampun ari Nuan! Amen!”
Udah nuan meri pemutus ngagai Kristus ketegal utai ti udah dibacha nuan ditu? Enti udah, tekan butang “Aku udah nerima Kristus” ba baruh ditu. English
Nuan bisi tanya?