Soal:
Sapa Jesus Kristus?
Jawapan:
Enda sebaka enggau tanya “Amai ka Tuhan bisi?” saut tu sama ada Jesus Kristus amai bisi ditanya orang mimit aja. Mayuh nerima Jesus endang mensia ti amat idup ba Israel maya 2000 taun suba. Debat tu berengkah enggau randau selentang identiti penuh Jesus. Antara pengarap agama ti besai mayuh ngajar Jesus nya nabi tauka pengajar ti manah enggau orang ti kuat bepengarap.
C.S. Lewis dalam buku iya Mere Christianity nulis tu “Aku deka nagang sapa orang ti bejaku utai ti enda betul ti mayuh disebut orang selentang Iya [Jesus Kristus: ‘Aku udah sedia nerima Jesus nyadi ka pengajar moral ti manah, tang aku enda nemu ngaku Iya nyadi ka Tuhan.’ Nya meh utai ti enda patut disebut kitai. Orang ti semina mensia aja lalu nyebut utai baka Jesus enda deka nyadi pengajar moral ti manah. Iya deka nyadi orang ti gila—ba peringkat ti sama enggau orang ti nyebut diri baka telu rebus—enti enda pia iya deka nyadi Sitan neraka. Nuan deka milih. Sama ada orang ti bakanya, tauka bakatu, Anak Tuhan, tauka orang ti gila tauka orang jai agi. Nuan ulih milih meri ia diau laban ti enda betul, nuan deka ngeludah iya, tauka munuh iya baka nyadi sitan; tauka nuan deka meremi ba kaki Iya lalu ngangau Iya Tuhan. Tang aram kitai enda mai pekara ti ngelindung utai ti enda beguna baka Iya ti nyadi pengajar mensia ti badas. Iya enda meri pilih nya ba kitai. Iya nadai bisi niat selentang nya” (Macmillan, 1952, p.55—56).
Nyadi, sapa diaku Jesus deka nyadi nama? Nama dipadah ka Bup Kudus selentang sapa Ia? Keterubah, Iya Tuhan dalam tubuh. Jesus madah dalam John 10:30, “Kami duai Apai endang siku.” Ba perening keterubah, tu baka ukai ngaku nyadi Tuhan. Taja pia, peda bakani bala orang Judah respon ngagai utai disebut Jesus. Sida deka nguji nikau Iya ngen batu “ketegal nyebut utai jaku busung, laban nuan, semina mensia, tang ngaku nyadi Tuhan” (John 10:33). Bala orang Judah mereti ka jaku Jesus ti ngaku diri Iya Tuhan. Udahnya jaku Tuhan, Jesus nadai kala meri betul sida Judah tauka Iya deka nerangka jaku dipadah Iya. Iya nadai madah, “Aku nadai ngaku diri Tuhan.” Lebuh Jesus bejaku, “Kamu duai Apai endang siku” (John 10:30), Iya sebenar ia ngaku Iya sama enggau Tuhan.
Dalam John 5:58 Jesus ngaku udah bis ba masa ti suba, ti bekait enggau Tuhan: “Ku Jesus bejaku ngagai sida, ‘Enggau bendar Aku madah ngagai kita, sebedau Abraham ada, Aku endang udah bisi.’” Ba respon ngagai utai ti disebut Iya, bala orang Judah ngambi batu lalu deka nikau nya ngagai Jesus (John 8:59). Lebuh Iya madahka pemisi Iya ti udah dulu suba, Jesus ngena nama Tuhan ngagai Iya empu—AKU TU MEH AKU (Pemansut 3:14). Bala Judah nolak identiti Jesus nya Tuhan ti nyadi mensia, tang sida mereti ka nama utai dipadahka Jesus.
Ba petunjuk Bup Kudus bukai ti madah Jesus nya Tuhan nyadi mensia dalam John 1:1, ti madah, “Jaku nya enggau Allah Taala,” besaum sama enggau John 1:14, “Jaku nya nyadi mensia.” Thomas ti murid Jesus madah, “Tuhan aku, Allah Taala aku!” (John 20:28), Jesus enda ngemetulka iya. Rasul Paul nerangka Jesus “Jesus Kristus ti Allah Taala enggau Juruselamat” (Titus 2:13). Rasul Peter nyebut utai ti sama, ngangauka Jesus “Allah Taala enggau Juruselamat kitai” (2 Peter 1:1).
Tuhan Apai kitai besaksika identiti Jesus mega: “'Tang ba pasal Anak Iya, Iya bejaku munyi tu, ‘Tang kerusi diraja Nuan, O Allah Taala, deka meruan belama-lama iya! lalu Nuan deka merintah ngena pengelurus.’ (Hebrew 1:8; Masmur 45:6). Jaku benabi ba Sempekat Lama baka ba Isaiah 9:6 madahka pasal Kristus nya Tuhan: “Siku anak mit udah ada ke kitai! Siku anak lelaki udah diberi ngagai kitai! Lalu iya deka nyadi raja kitai. Iya deka dikumbai “Penyaup ti Badas,” “Allah Taala ti Bekuasa,” “Apai ti Meruan belama iya,” “Raja Pemaik.”
Nama kebuah tanya selentang identiti Jesus nya penting bendar? Nama kebuah ia penting enti nyema Jesus nya Tuhan? Bisi beberapa iti kebuah:
• Baka ti dipandangka C.S Lewis, enti Jesus ukai Tuhan, lalu Jesus nya orang ti pemadu bula enggau enda ulih dikarapka ba semua utai.
• Enti Jesus nya ukai Tuhan, lalu bala rasul-rasul mega orang ti pemula.
• Jesus nya Tuhan laban Messiah udah disemayaka nyadi “Pemadu Kudus” (Masmur 16:5). Sepengudah nadai orang ti ba pemadu lurus ba dunya ba mua Tuhan (Masmur 53:1; 143:2), Tuhan empu deka datai ke dunya nyadi mensia.
• Enti Jesus ukai Tuhan, pemati Iya enda cukup kena mayar ukum dosa-dosa seluruh dunya (1 John 2:2). Semina Tuhan aja ti ulih nyediaka piring ti nadai takat, ti meruan belama ia bereha (Rome 5:8; 2 Korint 5:21).
• Semina Tuhan aja ti nyadi Juruselamat (Hosea 13:4; 1 Timoti 2:3) Enti Jesus nya Juruselamat, Iya mega endang Tuhan.
Jesus patut nyadi Tuhan enggau mensia. Maya nyadi Tuhan, Jesus ulih ngemuaska pengerigat Tuhan. Maya nyadi mensia, Jesus ulih meri diri Iya mati. Maya nyadi Tuhan-mensia, Jesus nya meh pemaik antar serga enggau dunya (1 Timoti 2:5). Pengelepas semina bisi nengah pengarap dalam Jesus Kristus. Lebuh Iya ngaku, “Aku tu meh jalai, pemendar, enggau pengidup. Nadai orang ulih datai ngagai Apai enti enda nengah Aku.” (John 14:6)
English
Nuan bisi tanya?