Soal:
Nama jalai pengelepas?
Jawapan:
Nuan lapar? Ukai lapar ba fizikal, tang bisi nuan lapar ka utai ti lebih agi dalam pengidup nuan? Bisi ka dalam nuan enda kala ngasai puas? Enti bisi bakanya, semina Jesus aja jalai! Jesus madah, “Aku tu meh roti pengidup. Barang sapa datai ngagai Aku, enda agi lapar, lalu barang sapa arapka Aku, enda agi aus.” (John 6:35)
Nuan keliru? Bisi nuan baka enda kala tetemu ka jalai enggau tuju dalam pengidup? Bisi ka baka orang ti madam ka lampu lalu nuan nadai tetemu ka suis lampu nya? Enti bisi bakanya, Jesus meh jalai pengelepas! Jesus madah, “Aku tu penampak dunya. Barang sapa nitihka Aku, enda bejalai dalam pemetang, tang deka ngembuan penampak ti meri pengidup.” (John 8:12)
Bisi nuan kala ngasai baka dikunci dalam pengidup? Bisi nuan kala nguji mayuh pintu-pintu, awakka ulih nemu nama dibelakang pintunya lalu tetemuka pintu nya kosong enggau nadai reti? Nuan benung ngiga jalai tama ke dalam pengidup ti penuh? Enti bisi bakanya, Jesus madah, “Aku tu pintu. Barang sapa tama nengah Aku, deka diselamatka, lalu iya deka tama, lalu pansut, lalu nemu padang rumput.” (John 10:9)
Bisi ka orang bukai selalu ngemaruh ka nuan? Bisi ka kaul nuan selalu pabu enggau puang? Bisi ka baka semua orang deka ngambi ulih ari nuan? Enti bisi bakanya, Jesus meh jalai! Jesus madah, “Aku tu pengibun bedus ti badas. Pengibun bedus ti badas nyerahka nyawa diri ke bedus. Aku tu pengibun bedus ti badas. Aku ngelala bedus Aku, lalu bedus Aku ngelala Aku” (John 10:11, 14).
Bisi nuan kala berunding nama ti deka nyadi udah pengidup ba dunya tu? Bisi ka nuan ngasai lelak ketegal pengidup ti semina reput enggau bekarat? Bisi nuan kadang-kadang ngembuan ati dua enti pengidup nuan bisi reti? Nuan deka idup udah nuan mati? Enti bakanya, Jesus meh jalai pengelepas! Jesus madah, “Aku tu meh pengangkat enggau pengidup. Orang ke arapka Aku, deka idup taja pen sida mati, lalu semua orang ke idup lalu arapka Aku, enda mati. Kati nuan arapka nya?” (John 11:25–26)
Nama jalai? Nama pemendar? Nama pengidup? Jesus nyaut, “Aku tu meh jalai, pemendar, enggau pengidup. Nadai orang ulih datai ngagai Apai enti enda nengah Aku.” (John 14:6)
Lebuh nuan ngasai lapar agi ka pengidup rohani nuan, lalu nya semina ulih dipenuh ka Jesus. Semina Jesus aja ti ulih ngangkat pemetang. Jesus ianya pintu ti nuju pengidup ti puas enggau meruan belama ia. Jesus ianya kaban enggau pengibun bedus ti digiga nuan. Jesus nya pengidup—dalam dunya enggau ba dunya udah nya. Jesus meh jalai pengelepas!
Kebuah nuan ngasai ka lapar, kebuah nuan baka lenyau dalam pemetang, kebuah nuan enda ulih tetemu ka reti pengidup, laban nuan beserara ari Tuhan. Bup Kudus madah ka kitai tu semua udah bedosa enggau udah beserara ari Tuhan (Bup Pengajar 7:20; Rome 3:23). Pengosong ati ti diasai ka nuan ianya Tuhan nadai dalam pengidup nuan. Nuan ditempa awakka bisi kaul enggau Iya. Ketegal dosa nuan, nuan diserara ari kaul nya. Balat teruk agi, dosa nuan deka ngasuh beserara ari Tuhan nyentukka belama ia, dalam pengidup diatu enggau pengidup ka dudi ari ila (Rome 6:23; John 3:36).
Bakani masalah tu deka diputarka? Jesus meh jalai pengelepas! Jesus ngambi dosa nuan ba atas diri Iya empu (2 Korint 5:21). Jesus mati ba dalam tempat nuan (Rome 5:8), ngambi ukum ti patut diterima nuan. Tiga ari udah nya, Jesus angkat ari pemati, mandangka pemenang Iya atas dosa enggau pemati (Rome 6:4-5). Nama kebuah Iya ngereja nya? Jesus nyaut saut tu ka Iya empu: “Nadai orang ngembuan pengerindu ti besai agi ari tu, datai ke iya nyerahka nyawa diri ke pangan iya.” (John 15:13). Jesus mati awakka nuan ulih idup. Enti nuan ngengkah pengarap nuan dalam Jesus, arapka pemati Iya nyadi rega mayar dosa-dosa nuan, semua dosa-dosa nuan diampun enggau dibuai abis. Udahnya pengidup rohani nuan ti aus deka dipuaska. Lampu deka dibuka. Nuan deka bisi jalai masuk ngagai pengidup ti penuh. Nuan deka nemu kaban rapat enggau pengibun bedus ti manah ka nuan. Nuan deka nemu bisi pengidup udah nuan mati—pengangkat pengidup ba serta begulai belama ia enggau Jesus!
“Laban Allah Taala balat rinduka dunya, nya alai Iya meri Anak Tunggal Iya, ngambika genap iku orang ke arapka Iya enda mati tang bulih pengidup ti meruan belama iya.” (John 3:16)
Udah nuan meri pemutus ngagai Kristus ketegal utai ti udah dibacha nuan ditu? Enti udah, tekan butang “Aku udah nerima Kristus” ba baruh ditu. English
Nuan bisi tanya?