Soal:
Nama reti Kristian?
Jawapan:
Definisi Kristian dalam kamus ianya sama baka “orang ti ngaku Jesus nya Kristus tauka ajar Jesus dalam pelasar pengarap.” Tu endang poin ti berengkah manah, baka definisi dalam kamus, tang nya baka enda lengkap madahka pemendar ari Bup Kudus ba selentang nyadi orang Kristian. Leka jaku “Kristian” dikena tiga kali ba dalam Sempekat Baru (Kereja Rasul 11:26; 26:28; 1 Peter 4:16). Orang ti nitih Jesus keterubah dikanya “Krisitan” ba menua Antiok (Kereja Rasul 11:26) laban ulah sida, pengawa sida, enggau chara sida bejaku baka Kristus. Reti leka jaku “Kristian” nya, “ungkup enggi Kristus” tauka “orang ti nitihka Kristus.”
Sinu ia ba ari ke ari, leka jaku “Kristian” udah lenyau reti sebenar lalu selalu dikena orang ti bepengarap tauka tinggi moral tang sida engka amat tauka ukai orang ti bebendar nitihka Jesus Kristus. Mayuh orang ti enda arap enggau pechaya ka Jesus Kristus ngumbai diri sida ia Kristian mega laban sida ia ngagai gereja tauka diau ba menua orang mayuh “Kristian”. Tang semina ke gereja, mela orang ti kurang pemisi ari nuan, nyadi orang ti manah, tu enda meri nuan nyadi orang Kristian. Datai ngagai gereja enda meri nuan nyadi orang Kristian lebih agi ari nuan ke bengkel lalu nuan nyadi entukar. Nyadi ahli gereja, selalu datai ke gempuru sembiang, tauka meri ngagai kerja ba gereja enda semesti ia meri nuan nyadi Kristian.
Bup Kudus ngajar kitai semina ngereja pengawa ti badas enda ulih meri kitai diterima Tuhan. Titus 3:5 bejaku, “Iya nyelamatka kitai, ukai laban kitai udah ngereja pengawa ti lurus, tang ulih pengasih Iya. Iya nyelamatka kitai ulih Roh Kudus, ke masu kitai, lalu ngadaka kitai baru, lalu meri kitai pengidup ti baru.” (Titus 3:5) Nya kebuah, orang ti nyadi Kristian nya udah diadaka baru dalam Tuhan (John 3:3; John 3:7; 1 Peter 1:23) lalu udah ngengkahka pengarap enggau pechaya dalam Jesus Kristus. Epesus 2:8 madahka kitai “…Laban kita udah diselamatka ulih pengasih, ketegal pengarap. Pengelepas nya ukai utai ti ulih kita ari pengawa kita; pengelepas nya pemeri Allah Taala.”
Orang Kristian ti bendar ianya orang ti ngengkahka pengarap enggau pechaya iya ba peribadi enggau pengawa Jesus Kristus, nyengkaum pemati Iya ba kayu regang nyadika rega kena mayar dosa enggau pengangkat Iya ba ari ketiga. John 1:12 madahka kitai, “Tang semua orang ke nerima Iya, ke arapka nama Iya, diberi Iya kuasa nyadi anak Allah Taala.” Tanda ka nyadi orang Kristian ti bendar ianya rindu ka orang bukai enggau ngasi ka Jaku Tuhan (1 John 2:4, 10). Orang Kristian ti bendar ianya anak Tuhan, sebagi ari ruang bilik Tuhan ti bendar, serta orang ti udah diberi idup baru dalam Jesus Kristus.
English
Nuan bisi tanya?