Soal:
Nama reti ia lebuh nuan nerima Jesus nyadi ka Penyelamat peribadi nuan?
Jawapan:
Udah nuan nerima Jesus Kristus nyadi Penyelamat peribadi nuan? Enti deka mereti ka saut tu, nuan dulu mesti deka meretika nama istilah “Jesus Kristus,” “peribadi”, enggau “Penyelamat.”
Sapa Jesus Kristus? Mayuh orang deka nganggap Jesus Kristus siku orang ti manah, pengajar ti manah, tauka nabi Tuhan. Semua tu endang betul pasal Jesus, tang tu enda nerangka sapa Jesus ti amai enggau lebih terang. Bup Kudus madahka kitai Jesus ianya Tuhan dalam tubuh, Tuhan dalam tubuh mensia (peda John 1:1, 14). Tuhan datai ka dunya deka ngajar kitai, ngeraika kitai, ngemetulka kitai, ngampunka kitai—lalu mati ka kitai! Jesus nya Tuhan, Penempa, Tuhan ti besai kuasa. Udah nuan nerima Jesus?
Nama reti Penyelamat, lalu nama kebuah kitai beguna ka Penyelamat? Bup Kudus madah ka kitai semua udah bedosa; kitai udah ngereja pengawa ti jai (Rome 3:10-18). Nama ti nyadi ketegal dosa, kitai patut nerima pengeringat Tuhan enggau pechara Iya. Semina ukum ti patut setimpal enggau dosa ti ngelaban Tuhan ti nadai takat enggau ti meruan belama ia ianya ukum ti nadai takat mega (Rome 6:23; Pemandang 20:11-15). Nya kebuah kitai beguna ka Penyelamat!
Jesus Kristus datai ka dunya lalu mati ba tempat kitai. Pemati Jesus nya rega ti nadai takat ka dosa-dosa kitai (2 Korint 5:21). Jesus mati mayar ukum ka dosa-dosa kitai (Rome 5:8). Jesus mayar rega awakka kitai enda perlu mayar. Pengangkat Jesus ari mati udah meri bukti pemati Iya nya cukup kena mayar ukum dosa-dosa kitai. Nya kebuah Jesus semina siku enggau siku aja Penyelamat (John 14:6; Kereja Rasul 4:12)! Pechayaka nuan ka Jesus nyadi ka Penyelamat nuan?
Jesus nya Penyelamat “peribadi” nuan? Mayuh orang semina meda pengarap Kristian tu baka datai gempuru sembiang ba gereja, ngaga ritual, tauka enda ngereja sekeda dosa. Nya ukai pengarap Kristian. Pengarap Kristian ti bendar ianya bisi kaul ti peribadi enggau Jesus Kristus. Nerima Jesus nyadika Penyelamat peribadi nuan retinya nuan ngengkahka pengarap peribadi nuan lalu pechayaka Iya. Nadai siku orang diselamatka ketegal pengarap orang bukai. Nadai orang diampun tegal ngereja sekeda pengawa. Semina siti jalai kitai diampun ianya nerima Jesus nyadi ka Penyelamat, pechayaka pemati Iya nyadika mayar dosa kitai lalu pengangkat Iya nyadika jami idup meruan ti belama ia (John 3:16). Jesus nyadi ka Penyelamat peribadi nuan?
Enti nuan deka nerima Jesus Kristus nyadi ka Penyelamat peribadi nuan, titihka jaku tu ngagai Tuhan. Ingat, sebut sampi tu tauka sampi bukai enda nyelamatka nuan. Semina pechayaka Jesus Kristus enggau pengawa Iya ti udah tembu ba kayu regang ulih nyelamatka nuan ari dosa. Sampi tu mandangka Tuhan pengarap nuan dalam Iya enggau meri terima kasih ka Iya laban udah nyediaka pengelepas ka nuan. “Tuhan, aku nemu aku udah bedosa ngelaban Nuan serta aku patut nerima ukum. Tang aku pechaya Jesus Kristus ngambi ukum ti patut diterima aku awakka nengah pengarap dalam Iya aku deka diampun. Aku nerima pemeri pengampun ari Nuan lalu ngengkah ka nya dalam Nuan nyadika pengelepas. Aku nerima Tuhan Jesus nyadi Penyelamat peribadi aku! Terima kasih ka pemanah Kasih Karunia enggau pengampun nuan—nyadi pemeri ka idup ti meruan belama ia! Amen!”
Udah nuan meri pemutus ngagai Kristus ketegal utai ti udah dibacha nuan ditu? Enti udah, tekan butang “Aku udah nerima Kristus” ba baruh ditu. English
Nuan bisi tanya?