Suraq
Kieli kitap denege inemen tańba (tatýirovka) salý jáne teristi tesip denege ár túrli nárselerdi túireý jaily ne aitady?
Jaýap
Kóne kelisimiń zańynda israildikterge: «Ári denelerińe jaraqat ne inemen tańba salmańdar! Men Jaratqan Iemin» - degen buiryq berilgen (Leýilik. 19:28). Senýshiler qazirgi zamanda Kóne kelisimniń zańynan azat bolǵanymen (Rim. xat 10:4; Ǵalat. xat 3:23-25; Efes. xat 2:15) biz denege inemen tańba salýǵa tyiym salǵan osy buiryq jaily áli de oilanýymyz kerek. Jańa kelisimde osy jaǵdai týraly eshteńe aitylmaǵan.
Denege inemen tańba salý men denege ár túrli nárselerdi túireý jaily osy suraqty bir jaqsy synaqtan ótkizeiik. Biz osy áreket úshin Qudaidan bata surap, ony Qudaidyń qyzmetine qoldana alamyz ba? «Basty qaǵida mynaý: ne iship-jeseńder de, ne isteseńder de, bárin Qudaidy dáripteý úshin isteńder!» (Qorynt. 1-xat 10:31). Yaǵni Kieli kitap bizge inemen tańba salýǵa jáne denege ár túrli nárselerdi túireýge tyiym salmaidy, alaida «Qudai bizge osy nárselerdi isteýdi buiyrǵan» degen paiymdaýdy da bermeidi.
Osy jait týraly oilanýymyzdyń taǵy bir sebebi - ádeptilik. Kieli kitap bizge ádeppen, yaǵni qarapaiymdylyqpen jáne sypaiylyqpen kiinýdi buiyrady (Timote. 1-xat 2:9). Yaǵni denemiz durys kiimmen jamylý kerek. Ádeptiliktiń basty negizi mynandai: adam basqalardyń ózine shekten tys nazar aýdarýyna jol bermeý kerek. Al jańaǵy aitylǵan tańbalar men denege túirelgen ár túrli buiymdar basqa adamdardyń kózderine tez túsedi, sondyqtan olardy ádepti nárselerdiń qataryna jatqyzýǵa bolmaidy.
Kieli jazbada bir arnaiy nárse týraly eshteńe aitylmaýy múmkin, alaida adam osyndai nárse jaily «bul Qudaiǵa unamaityn bolar» dep kúdiktense, onda onyń osy nárseni istemegeni durys. «Adamnyń durys ekendigine kúmány bola tura istegen isteriniń bári de kúná» (Rim. xat 14:23). Qudai bizdiń denelerimiz bez jandarymyzdy ótep alǵan, sondyqtan olar endi Oniki. Biz osyny esimizde saqtaýymyz kerek. Qorynt. 1-xat 6:19-20 ayattary denege inemen tańba salý men denege ár túrli nárselerdi túireý jaily naqty aitpaǵanymen áli de bizge mańyzdy erejeler beredi: «Álde denelerińniń Kieli Rýx mekendeitin kieli úi ekenin bilmeisińder me? Sender Qudaidan qabyldaǵan Kieli Rýx boilaryńnan oryn alady. Endi óz menshikteriń emessińder, Iemiz senderdi úlken qun tólep, kúnányń quldyǵynan azat etti. Endeshe denelerińmen Qudaidyń dańqyn arttyryńdar!» Biz óz denelerimizben ne isteitinimiz jáne qaida baratynymyz jaily oilanǵanda osy shyndyqqa súienýimiz kerek. Bizdiń denelerimiz Qudaidiki, sondyqtan Jaratýshydan ruqsat almaiynsha denemizge tańba salýǵa nemese ár túrli nárse túireýge bizdiń esh qaqymyz joq.
English
Kieli kitap denege inemen tańba (tatýirovka) salý jáne teristi tesip denege ár túrli nárselerdi túireý jaily ne aitady?