Suraq
Janýarlar kókke barady ma? Janýarlardyń jany bar ma?
Jaýap
Kieli kitapta janýarlardyń jany bar nemese joq ekeni jáne olardyń kókke baratyny ne barmaityny jaily eshqandai arnaiy paiymdaý joq. Degenmen biz Kieli kitaptaǵy negizgi shyndyqtarǵa qarap, olardan osy taqyryp jaiynda qajetti málimetti taba alamyz. Qudaidyń sózinen biz adamda da (Jaratylys. bast. 2:7), janýarda da (Jaratylys. bast. 1:30; 6:17: 7:15,22) tirshilik lebiniń bar ekenin bilemiz. Adam men janýardyń arasyndaǵy eń birinshi aiyrmashylyq mynaý: adam rýxani jaǵynan Qudaiǵa uqsas bolyp jaratyldy (Jaratylys. bast.1:26-27). Janýarlar rýxani jaǵynan Qudaiǵa uqsas emes. Adamnyń rýxani jaǵynan Qudaiǵa uqsas bolýy onyń boiynda mynandai qasietterdiń bar bolǵanyn bildiredi: oi-sana, sezimder, erik jáne jannyń ólimnen keiin saqtalatyny. Janýarlardyń boiynda da «jan» nemese áiteýir bir tándik emes aspekt bar, alaida osy jannyń «sapasy» ózgeshe. Yaǵni janýardyń jany ólimnen keiin saqtalmaityn shyǵar.
Osy taqyrypta taǵy bir oilanatyndai jait bar. Qudai janýarlardy da Óziniń jaratylysynyń bir bóligi retinde jaratty. Qudai olardy jaratqannan keiin olardyń «jaqsy ekenin kórdi» (Jaratylys. bast. 1:25). Sondyqtan biz «jańa jerde» janýarlar joq bolady dep paiymdai almaimyz (Ayan 21:1). Al myńjyldyq patshalyq kezinde janýarlar anyq bar bolatyn siyaqty (Ishaya 11:6; 65:25). Bizdiń úide ustaǵan janýarlarymyzdyń sol kezde bolatynyn ne bolmaitynyn eshkim aita almaidy. Degenmen biz Qudaidyń adal ekenin bilemiz, sondyqtan jumaqqa túskennen keiin biz Onyń (qandai bolsa da) qabyldaǵan ádil sheshimine riza bolmaqpyz.
English
Janýarlar kókke barady ma? Janýarlardyń jany bar ma?