Suraq
Másixshi degen kim?
Jaýap
Túsindirme sózdikte «másixshi» degen sóz jaily: «Isa Másixke senetin nemese Isanyń ilimine negizdelgen dinge jatatyn adam» dep anyqtama berilgen. Bul anyqtama álemdik turǵydan jalpy jaqsy sipattama beredi, alaida másixshiniń shyn máninde kim ekenin Kieli kitaptan ǵana bilýge bolady.
«Másixshi» degen sóz Jańa ósiette úsh ret qoldanylady (Elshiler. isteri 11:26; 26:28; Petir. 1-xaty 4:16). Isa Másixtiń jolyn qýýshylar eń alǵashqy ret Antaqiya qalasynda «másixshiler» dep ataldy (Elshiler. isteri 11:26), óitkeni olar júris-turysy, áreketteri men sózderi jaǵynan Isa Másixke uqsaityn. Alǵashynda Antaqiya qalasynyń senbeýshi turǵyndary osy esimdi másixshilerdi mazaqtaý úshin qoldanatyn. Al osy sózdiń dálme-dál maǵynasy «Másixtiń tobyna jatýshylar» nemese «Másixtiń jolyn qýýshylar» degendi bildiredi, yaǵni bul maǵyna túsindirme sózdiktegi anyqtamaǵa jaqyn.
Ókinishke orai, ýaqyt óte kele «másixshi» degen sózdiń negizgi zor maǵynasy joǵala bastady. Osy sóz Másixtiń jolyn qýýshylar jaily emes, dindar nemese taqýasymaq kisiler jaily aitylǵan kezde qoldanylatyn bolyp ketti. Isa Másixke senbeitin kóptegen kisiler «másixshilerge» jatatyn ult ortasynda ómir súrgenine nemese shirkeýge barǵanyna bola ózderin másixshi dep esepteidi. Alaida biz ózimizden jaǵdaiy nashar bireýge qaiyr-sadaqa berý, shirkeýge barý nemese jaqsy adam bolýǵa tyrysý arqyly másixshi bola almaimyz. Izgi xabar taratýshy baýyrlastarymyzdyń bireýi bylai degen: «Adam garajǵa kirgennen mashinaǵa ainalmaidy ǵoi. Sol siyaqty shirkeýge barǵannan adam da dereý másixshi bolyp ketpeidi». Yaǵni shirkeýdiń múshesi bolý, udaiy jinalystarǵa qatynasý, shirkeýdiń qyzmetine qurbandyq berý arqyly biz másixshi bola almaimyz.
Kieli kitapta bizdiń igi isterimiz arqyly Qudaidyń raqymyna ie bola almaitynymyz týraly aitylǵan. Titke arnalǵan xattyń 3:5-ayatynda bylai jazylǵan: «...Ol bizdi jasaǵan ádil isterimizge bola emes, Óziniń meiirimine bola kúnádan jýyp tazartyp, Kieli Rýxy arqyly rýxani qaita týǵyzyp jańartty». Sondyqtan Qudaidan «rýxani týylǵan» (Joxan 3:3,7; Petir 1-xat 1:23) jáne Isa Másixke senim artqan adam ǵana másixshi bolyp tabylady. Efestikterge arnalǵan xattyń 2:8-ayatynda bylai delingen: «Sebebi Qudaidyń raqymymen, Másixke degen senimderiń arqyly qutqaryldyńdar. Bul - ózderińniń jetistikteriń emes, Qudaidan kelgen syi». Shynaiy másixshi - óz kúnálaryn moiyndap, Isa Másixke senim artqan adam. Mundailardyń senimi - bir paidasyz dinniń jolymen júrý emes, sondai-aq adamdar shyǵarǵan erejelerdi álde ruqsat etilgen nemese tyiym salynǵan isterdiń tizimin ustaný da emes.
Isa Másixtiń bizdiń kúnálarymyz úshin aiqyshta ólgenine jáne Onyń úsh kúnnen keiin qaita tirilip ólimdi jeńgenine, sonymen birge Onyń Oǵan senim artqan barlyq adamdarǵa máńgilik ómir syilaitynyna sengen adam - shynaiy másixshi bolyp tabylady. Joxan jazǵan Izgi xabardyń 1:12-ayatynda bylai jazylǵan: «Biraq Ony qabyldap, Oǵan senim arqandardyń bárin Ol Qudaidyń rýxani balalary bolýǵa quqyqty etti». Shynaiy másixshi – Qudaidyń balasy, yaǵni Qudaidyń otbasynyń múshesi, Másixpen tyǵyz bailanysta jańadan ómir súrip jatqan adam. Shynaiy másixshiniń erekshe qasieti - mańaiyndaǵy adamdarǵa súiispenshilik kórsetý jáne Qudai Sózine moiynsuný bolyp tabylady (Joxan.1-xaty 2:4,10).
Siz osy jerde aitylǵandy oqyǵannan keiin Másixti qabyldaý jaiynda sheshim jasadyńyz ba? Eger «iá» deseńiz, onda, «Men búgin Másixti qabyldadym» degen túimeni basyńyz.
English
Másixshi degen kim?