Suraq
Men Qudaidyń óz ómirime degen erkin qalai bile alamyn? Kieli kitap Qudaidyń erkin bilý týraly ne aitady?
Jaýap
Bir arnaiy jaǵdai jaily Qudaidyń erkin bilý úshin myna eki nársege kóńil aýdaryp, júregińizdi tekserińiz: (1) Sizdiń Qudaidan suraǵan nárseńiz nemese istemekshi bolǵan isińiz Kieli kitapqa qaishy kelmeý kerek, yaǵni Kieli kitap tiim salǵan nárse bolmaý kerek; (2) Sizdiń suraǵan nárseńiz nemese istemekshi bolǵan isińiz Qudaidyń atyn madaqtap, sizdiń rýxani ósýińizge paidaly bolý kerek. Eger osy eki erejeni oryndaǵan jaǵdaida da Qudai sizge suraǵanyńyzdy birmese, onda suraǵanyńyz Onyń erkine sai emes bolar. Nemese bálkim sizge suraǵanyńyzdy kóbirek kútý kerek shyǵar. Keibir kezde Qudaidyń erkin bilý óte qiyn. Adamdar ózderiniń qaida turý, qaida jumys isteý, kimmen neke qurý kerek ekenin jáne basqa da nárselerdi qalai isteý kerek ekenin anyq bilgisi kelgendikten olar Qudaidyń ózderine osynyń bárin anyq aitqanyn qalaidy. Rim. xat 12:2 ayatta bylai aitylǵan: «Bul kúnákar dúnieniń ómir súrý saltyn úlgi etpeńder, qaita, oi-tilekteriń Qudaidyń jańartýymen túbegeili ózgersin! Osylai sender Onyń erkin – neniń igilikti, unamdy jáne kemeldi ekenin ajyrata biletin bolasyńdar».
Qudai naqty málimetti adamdarǵa óte sirek beredi. Qudai bizge osyndai nárseler jaily tańdaý jasaýǵa múmkindik beredi. Alaida Qudai bizdiń myna eki nárseni istegenimizdi qalamaidy: kúná jasaý nemese Onyń erkine qarsy shyǵý. Qudai bizdiń sheshimderimizdiń Onyń erkine sai bolǵanyn qalaidy. Al siz Onyń ózińizge degen erkin qalai bile alasyz? Eger siz Qudaimen tyǵyz bailanysta bolyp, Onyń erkin shyn júrekpen ańsasańyz, Ol sizdiń júregińizdi Óz qalaýlarymen toltyrady. Eń bastysy: siz óz erkińizdi emes, Qudaidyń erkin qalaýyńyz kerek. «Jaratqan Ieden tap raqatyńdy, Ol syilaidy izgi júrek qalaýyńdy» (Zabýr jyr. 36:4). Demek eger sizdiń oiyńyz Kieli kitapqa qaishy kelmese jáne isteitin isińiz sizge rýxani jaǵynan paidaly bolsa, onda bul - Qudaidyń sózi sizge óz júregińizdiń qalaýyńyz boiynsha sheshim qabyldaýǵa ruqsat berip tur degen sóz.
English
Men Qudaidyń óz ómirime degen erkin qalai bile alamyn? Kieli kitap Qudaidyń erkin bilý týraly ne aitady?